મહારાષ્ટ્રમાં વધારે મતદાનને લઇને ભાજપ ઉત્સાહિત, દેવેન્દ્ર ફડણવીસે કહ્યું મહાયુતિને મળશે જનતાના આશિર્વાદ

મહારાષ્ટ્ર વિધાનસભા ઇલેક્શનના પરિણામ 23 નવેમ્બરે આવશે, પરંતુ રાજ્યમાં રાજકીય ગરમાવો પહેલાથી જ તીવ્ર બન્યો છે. તમામ એક્ઝિટ પોલમાં ભાજપની આગેવાની હેઠળના મહાયુતિ ગઠબંધનને બહુમતી આપવામાં આવી છે. આ બધાની વચ્ચે ભાજપના વરિષ્ઠ નેતા અને ડેપ્યુટી સીએમ દેવેન્દ્ર ફડણવીસ બુધવારે સાંજે આરએસએસના વડા મોહન ભાગવતને મળ્યા હતા. આ બેઠકના અનેક રાજકીય અર્થ કાઢવામાં આવી રહ્યા છે.

-> વાસ્તવમાં, રાજ્યમાં વધુ મતદાનથી ભાજપ ઉત્સાહિત છે :- ફડણવીસે પોતે બુધવારે કહ્યું હતું કે વધારે વોટિંગનો ફાયદો માત્ર ભાજપને જ મળશે. ભાજપ અને મહાયુતિને ફરીથી જનતાના આશીર્વાદ મળશે. તમને જણાવી દઈએ કે આ વખતે મહારાષ્ટ્રમાં મતદાનની ટકાવારી 65 ટકાથી વધુ રહી છે.

-> વાતચીત 20 મિનિટ સુધી ચાલી :- સૂત્રોના જણાવ્યા અનુસાર બુધવારે સાંજે દેવેન્દ્ર ફડણવીસ આરએસએસ હેડક્વાર્ટર પહોંચ્યા હતા. ત્યાં તેઓ સંઘના વડા મોહન ભાગવતને મળ્યા. આ બેઠક લગભગ 20 મિનિટ સુધી ચાલી હતી. આ દરમિયાન સંઘના ભૈયાજી જોશી પણ બેઠકમાં હાજર હતા. જો કે આ બેઠક અંગે બીજેપીના કોઈ નેતાએ કંઈ કહ્યું નથી, પરંતુ ચર્ચા થઈ રહી છે કે RSSએ સીએમ પદ માટે ફડણવીસના નામને લીલી ઝંડી આપી દીધી છે. તમને જણાવી દઈએ કે કેન્દ્રીય ગૃહમંત્રી અમિત શાહને પણ દેવેન્દ્ર ફડણવીસનું સમર્થન છે.