વ્રતમાં બનાવો સૌની પ્રિય સાબુદાણાની ખીચડી, જાણો તેને બનાવવાની સરળ રીત

સાબુદાણામાં ઘણા પૌષ્ટિક ગુણો જોવા મળે છે જે સ્વાસ્થ્ય માટે જરૂરી છે. જો તમે પણ નવરાત્રિ દરમિયાન ઉપવાસ કરતા હો તો તમારા આહારમાં સાબુદાણાનો ચોક્કસ સમાવેશ કરો.

નવરાત્રિ દરમિયાન દેવી માતાને પ્રસન્ન કરવા માટે લોકો નવ દિવસ ઉપવાસ રાખે છે. જે લોકો આખા નવ દિવસ ઉપવાસ કરી શકતા નથી તેઓ નવરાત્રિના પહેલા અને છેલ્લા દિવસે એટલે કે પ્રથમ અને છેલ્લા દિવસે ઉપવાસ કરે છે. વ્રત દરમિયાન વિવિધ પ્રકારની વાનગીઓ બનાવવામાં આવે છે. સામાન્ય રીતે લોકો શેકેલા બટેટા કે શેકેલી મગફળી અને મખાણાને ચા કે શરબત સાથે ખાતા હોય છે, પરંતુ વધુ પડતા બટાકા કે સીંગદાણા સ્વાસ્થ્ય માટે હાનિકારક સાબિત થઈ શકે છે. આ સિવાય સાબુદાણા પણ ઉપવાસ માટેનું પોપ્યુલર ફૂડ છે.

સાબુદાણાની ખીચડી સ્વાસ્થ્ય માટે પણ છે ફાયદાકારક

સાબુદાણા એવી વસ્તુ છે જે ઉપવાસમાં લોકો મન ભરીને ખાય છે. તે શરીરને ઉર્જા આપે છે. સાબુદાણામાં ઘણા પૌષ્ટિક ગુણો જોવા મળે છે જે સ્વાસ્થ્ય માટે જરૂરી છે. જો તમે પણ નવરાત્રિ દરમિયાન ઉપવાસ કરતા હો તો તમારા આહારમાં સાબુદાણાનો ચોક્કસ સમાવેશ કરો. મોટાભાગના લોકો વ્રત દરમિયાન સાબુદાણાની ખીચડી બનાવે છે.

આજે અમે સાબુદાણાની ખીચડી બનાવવાની રેસિપી જણાવી રહ્યાં છીએ, જેને બનાવવું સરળ છે અને તે સ્વાસ્થ્ય માટે પણ ફાયદાકારક છે.

સાબુદાણાની ખીચડી બનાવવાની રીત

સૌ પ્રથમ સાબુદાણાને ધોઈને પાણીમાં પલાળી દો.
મગફળીને શેકી, હળવા હાથે તોડીને બાજુ પર રાખો.
સાબુદાણા કરતાં બમણા ટામેટાંને બારીક સમારી લો.
લીલાં મરચાં અને લીલા ધાણાને બારીક સમારી લો.
આદુને છીણી લો.
મરીનો ભૂકો તૈયાર રાખો.
બધી તૈયારી થઈ જાય એટલે ગેસ પર તવો મૂકો. તેમાં ઘી નાખો.
ઘી ગરમ થાય એટલે તેમાં જીરું નાખો.
તેમાં બારીક સમારેલા ટામેટાં, લીલા મરચાં અને આદુ ઉમેરો. સારી રીતે તળો.
બટાકાના નાના ટુકડા ઉમેરો. જો તમે તેને વધુ પૌષ્ટિક બનાવવા માંગો છો, તો તમે બટાકાની જગ્યાએ દૂધીના ટુકડા ઉમેરી શકો છો.
હવે તમામ વસ્તુ ઢાંકીને રાંધો.
જ્યારે બટેટા કે દૂધી બરાબર શેકાઈ જાય ત્યારે તેમાં પલાળેલા સાબુદાણા ઉમેરો.
પીસેલા કાળા મરી અને સિંધવ મીઠું ઉમેરો.
બરાબર મિક્ષ કરીને તેને ઢાંકીને પાંચ મિનિટ સુધી ચડવા દો.
ગેસ બંધ કરી દો અને લીલા ધાણા ઉમેરી સર્વ કરો.