પાંચ વર્ષમાં એકનાથ શિંદેની આવકમાં 50 ટકા જેટલો ધટાડો થયો, પત્નીની આવક આટલી વધી

મહારાષ્ટ્ર વિધાનસભા ચૂંટણી માટે મુખ્યમંત્રી એકનાથ શિંદેએ કોપરી-પચપાખાડી બેઠક પરથી ઉમેદવારી નોંધાવી છે. સોમવારે શિવસેનાના શક્તિ પ્રદર્શન વચ્ચે, સીએમ શિંદેએ તેમનું નામાંકન ભર્યું અને તેની સાથે તેમણે તેમની સંપત્તિની વિગતો પણ દાખલ કરી.સીએમ એકનાથ શિંદે દ્વારા દાખલ કરાયેલી એફિડેવિટ અનુસાર, વર્ષ 2018-19ની સરખામણીમાં 2023-24માં તેમની આવકમાં લગભગ 50 ટકાનો ઘટાડો થયો છે. નાણાકીય વર્ષ 2023-24 દરમિયાન એકનાથ શિંદેની આવક 34 લાખ 81 હજાર 135 રૂપિયા હતી, જે 2018-19માં 61 લાખ 841 રૂપિયા હતી. જો કે, આ સમયગાળા દરમિયાન, તેમની પત્નીની આવક રૂ. 9,94,096 થી વધીને રૂ. 15,83,972 થઈ, જે 59 ટકાનો વધારો છે.

-> મુખ્યમંત્રી પાસે 13 કરોડની સ્થાવર મિલકત છે :- મુખ્યમંત્રી એકનાથ શિંદેના એફિડેવિટ મુજબ તેમની પાસે 26,000 રૂપિયા રોકડા છે જ્યારે તેમની પત્ની પાસે 2 લાખ રૂપિયા રોકડા છે. એકનાથ શિંદેનું રોકાણ રૂ. 1.44 કરોડ છે અને તેમની પત્નીનું રૂ. 7.77 કરોડનું રોકાણ છે. આ સિવાય મુખ્યમંત્રી પાસે 13.38 કરોડ રૂપિયાની સ્થાવર સંપત્તિ છે અને તેમની પત્ની પાસે 15.08 કરોડ રૂપિયાની સ્થાવર સંપત્તિ છે.

-> સીએમ શિંદે પર પાંચ કરોડથી વધુનું દેવું છે :- એકનાથ શિંદેના એફિડેવિટ મુજબ, તેમની પાસે 5.29 કરોડ રૂપિયાનું દેવું છે. મહત્વનું છે કે મહારાષ્ટ્રમાં છેલ્લી વિધાનસભા ચૂંટણી 2019માં થઈ હતી. આ વખતે, મહારાષ્ટ્ર વિધાનસભા ચૂંટણી 2024 માટે મતદાન 20મી નવેમ્બરે થશે અને મતગણતરી 23મી નવેમ્બરે થશે.

-> એકનાથ શિંદે સામે ઉદ્ધવ જૂથના ઉમેદવારો :- નોંધનીય છે કે એકનાથ શિંદે કોપરી પચપખારી સીટથી સતત ધારાસભ્ય બની રહ્યા છે. થાણે તેમનું ઘર અને ગઢ બંને છે. આ વખતે તેમની સામે ઉદ્ધવ ઠાકરે જૂથના કેદાર દિઘે પોતાનું નસીબ અજમાવવા જઈ રહ્યા છે. સાથે જ એકનાથ શિંદેના સમર્થકોએ વિશ્વાસ વ્યક્ત કર્યો છે કે આ વખતે પણ શિંદે જ મુખ્યમંત્રી બનશે.