akshay 
પાણીના ટેન્કર નીચે આવી જતા બાળકનું મોત
રમતાં-રમતાં બાળક અચાનક ટેન્કરના ટાયર નીચે આવી ગયો
મહેસાણા : મહેસાણા જીલ્લાના બહુચરાજી તાલુકાના બેચર ગામે પાણીના ટેન્કરના ટાયર નીચે પાંચ વર્ષનો બાળક આવી જતાં બાળકનું કમકમાટીભર્યું મોત નીપજ્યું હતું. બનાવ અંગે જાણવા મળતી વિગતો મુજબ બહુચરાજી પાસેના બેચર ગામમાં રેહતા વંશ વિષ્ણુભાઈ ભરવાડનો પાંચ વર્ષીય દીકરો નામે વંશ રમતો હતો. તે સમય દરમ્યાન ગામમાંથી પુર ઝડપે નીકળેલ પાણીના ટેન્કરના ટાયર નીચે પાંચ વર્ષીય વંશ આવી જતા માથાના ભાગે ગંભીર ઈજાઓ પહોંચી હતી. બાળકને તાત્કાલિક બાળકને સારવાર અર્થે બહુચરાજી સિવિલ હોસ્પિટલમાં લઇ જવાયો હતો. જ્યાં ફરજ પરના ડોક્ટરે બાળકને મૃત જાહેર કર્યો હતો. આ ઘટનાની જાણ થતાં પોલીસે સ્થળ પર દોડી આવી હતી અને ટેન્કર ચાલક સામે ફરિયાદ નોંધી તજવીજ હાથ ધરી છે. વહાલસોયાના અચાનક મોત નીપજતા પરીવારમાં ભારે ગમગીની વ્યાપી છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
