નરેન્દ્ર મોદી સ્ટેડિયમ 24મી ઓક્ટોબરે પ્રથમ મહિલા આંતરરાષ્ટ્રીય વન-ડે મેચનું આયોજન કરશે

બુલેટિન ઈન્ડિયા અમદાવાદ : શહેરનું વિશ્વનું સૌથી મોટું ક્રિકેટ ગ્રાઉન્ડ નરેન્દ્ર મોદી સ્ટેડિયમ પહેલીવાર મહિલા ઇન્ટરનેશનલ વન-ડે મેચનું આયોજન કરશે. ન્યૂઝીલેન્ડ મહિલા પ્રવાસ ઓફ ઈન્ડિયા વન-ડે સિરીઝ 2024 અંતર્ગત ત્રણેય મેચ મોટેરાના સ્ટેડિયમમાં યોજાશે, જેમાં પ્રથમ મેચ 24 ઓક્ટોબરે, બીજી 27 ઓક્ટોબરે અને ત્રીજી મેચ 29 ઓક્ટોબરે યોજાશે.

ગુજરાત ક્રિકેટ એસોસિયેશનના સેક્રેટરી અનિલ પટેલે મીડિયાને જણાવ્યું હતું કે, નરેન્દ્ર મોદી સ્ટેડિયમ ખાતે પ્રથમ વખત મહિલા ક્રિકેટનું આયોજન કરવામાં આવી રહ્યું છે. BCCIના સેક્રેટરી જય શાહે મહિલા ક્રિકેટને પ્રોત્સાહન આપવા માટે એક યોજના તૈયાર કરી છે, જેમાં દરેક સંસ્થાના બાળકોને તેમના પરિવારની સાથે વિના મૂલ્યે હાજર રહેવાની છૂટ આપવામાં આવી છે.

GCAને અંદાજે 40,000 થી 45,000 ટિકિટની માંગ મળી છે અને અત્યાર સુધીમાં 30,000 થી વધુ ટિકિટોનું વિતરણ કરવામાં આવ્યું છે. આજે કે આવતીકાલે અન્ય 10,000થી 15,000 ટિકિટોનું વિતરણ કરવામાં આવશે. તમામ વ્યવસ્થા ગોઠવી દેવાતા રાજ્યની ક્રિકેટ સંસ્થાને દરેક મેચ માટે આશરે 35,000થી 40,000 પ્રેક્ષકોની અપેક્ષા છે.

–> અમદાવાદ શ્રેણી માટે ભારતીય ટીમ :

હરમનપ્રીત કૌર (c)– ઓલરાઉન્ડર
સ્મૃતિ મંધાના (vc) – બેટર
ડી હેમલથા – બેટર
તેજલ હસાબનીસ – બેટર
જેમિમાહ રોડ્રિગ્સ – બેટર
શફાલી વર્મા – બેટર
શ્રેયંકા પાટિલ – ઓલરાઉન્ડર
પ્રિયા મિશ્રા – ઓલરાઉન્ડર
સાયમા ઠાકોર – ઓલરાઉન્ડર
સયાલી સતઘરે – ઓલરાઉન્ડર
દીપ્તિ શર્મા – ઓલરાઉન્ડર
ઉમા ચેત્રી (વિ.કી.) – વિકેટ કીપર
યાસ્તિકા ભાટિયા (વિ.કી.) – વિકેટ કીપર
અરુંધતી રેડ્ડી – બોલર
રાધા યાદવ – બોલર
રેણુકા સિંહ – બોલર