akshay 
બોલિવૂડ સુપરસ્ટાર શાહરૂખ ખાનની આગામી ફિલ્મ ‘કિંગ’ને લઈને ઘણી ચર્ચા ચાલી રહી છે. આ ફિલ્મમાં સુહાના ખાન તેના પિતા સાથે પહેલીવાર સ્ક્રીન સ્પેસ શેર કરશે. કિંગમાં સુહાના અને શાહરૂખના રોલને લઈને ચાહકોમાં ઉત્તેજના છે. તેનું પાત્ર કેવું હશે, ફિલ્મની વાર્તા શું હશે તે અંગે કેટલાક અપડેટ્સ આવ્યા છે, તો ચાલો જાણીએ.
-> સ્ટોરી શું હશે :- કિંગ’નું નિર્દેશન સુજોય ઘોષ કરી રહ્યા છે. એવું માનવામાં આવે છે કે આ ફિલ્મ 1994માં આવેલી ફ્રેન્ચ ફિલ્મ ‘લિયોનઃ ધ પ્રોફેશનલ’ની હિન્દી રિમેક છે. એક મીડિયા રિપોર્ટ અનુસાર, આ એક મિસ્ટ્રી-થ્રિલર ફિલ્મ હશે જેમાં શાહરૂખ ખાન પ્રોફેશનલ કિલરની ભૂમિકા ભજવશે. જ્યારે સુહાના એક એવી છોકરીની ભૂમિકા ભજવશે જેણે તેના માતા-પિતાને ગુમાવ્યા છે, અને હવે તે શાહરૂખની સુરક્ષામાં હશે. ફિલ્મમાં એક્શન સીન, ડ્રામા અને થ્રિલર ઈફેક્ટ્સથી ભરપૂર મસાલા જોઈ શકાય છે.
-> શાહરૂખ ખતરનાક અવતાર ધરાવશે :- આ ફિલ્મમાં તેઓ પિતા-પુત્રીની ભૂમિકામાં નહીં હોય પરંતુ વાર્તા આ ફ્રેન્ચ ફિલ્મથી પ્રેરિત હશે. ‘ડર’, ‘બાઝીગર’ અને ‘અંજામ’ જેવી સુપરહિટ ફિલ્મો બાદ શાહરૂખ ખાન ફરી એકવાર કિંગમાં ગ્રે પાત્રમાં જોવા મળશે. આ પ્રોજેક્ટ પર કામ શરૂ થઈ ગયું છે. એવું માનવામાં આવે છે કે કેટલાક સીન કેટલાક વિદેશી લોકેશન પર પણ શૂટ કરવામાં આવ્યા છે. જો કે હજુ સુધી આ અંગે વધુ માહિતી સામે આવી નથી.
