કાશ્મીરના કુલગામમાં સેનાના જવાનો અને આતંકીઓ વચ્ચે અથડામણ, 3 જવાનો ઘાયલ

કાશ્મીરના કુલગામના અડીગામ દેવસર વિસ્તારમાં સુરક્ષાદળો અને આતંકવાદીઓ વચ્ચે અથડામણ ચાલુ છે. આ અથડામણમાં સેનાના ત્રણ જવાન અને એક પોલીસકર્મી ઘાયલ થયા છે. ઘાયલોને હોસ્પિટલમાં દાખલ કરવામાં આવ્યા છે.સોશિયલ મીડિયા પર માહિતી આપતા, ભારતીય સેનાએ કહ્યું, “ચોક્કસ બાતમીના આધારે, ભારતીય સેના અને જમ્મુ અને કાશ્મીર પોલીસ દ્વારા આજે કુલગામના અરીગામમાં એક સંયુક્ત ઓપરેશન શરૂ કરવામાં આવ્યું હતું. સર્ચ દરમિયાન, આતંકવાદીઓએ અંધાધૂંધ ફાયરિંગ કર્યુ હતું

-> ઓપરેશન ચાલુ છે :- જમ્મુ-કાશ્મીર પોલીસે માહિતી આપી :- સોશિયલ મીડિયા પર માહિતી આપતા જમ્મુ-કાશ્મીર પોલીસે લખ્યું, “કુલગામના અડીગામ દેવસર વિસ્તારમાં આતંકવાદીઓ સામે ઓપરેશન ચાલુ છે. પોલીસ અને સુરક્ષાદળો ઘટનાસ્થળે હાજર છે. વધુ માહિતી ટૂંક સમયમાં શેર કરવામાં આવશે.” દરમિયાન, આતંકવાદીઓ ભાગી ન જાય તે માટે વધારાના સુરક્ષા દળોને બોલાવવામાં આવ્યા છે.આ ઓપરેશનમાં સેના, જમ્મુ-કાશ્મીર પોલીસ અને સુરક્ષા એજન્સીઓ સામેલ છે. વહીવટીતંત્ર સમગ્ર પરિસ્થિતિ પર ચાંપતી નજર રાખી રહ્યું છે.

-> 6 આતંકવાદીઓની ધરપકડ કરવામાં આવી હતી :- શુક્રવારે, પોલીસે પુલવામાના અવંતીપોરામાં આતંકી મોડ્યુલનો પર્દાફાશ કર્યો. પોલીસે જૈશ-એ-મોહમ્મદના 6 આતંકી સહયોગીઓની ધરપકડ કરી હતી.. તેઓ યુવાનોને આતંકવાદની તાલીમ આપતા હતા. પોલીસે તેમની પાસેથી 5 IED, 30 ડિટોનેટર, IEDની 17 બેટરી, 2 પિસ્તોલ, 4 હેન્ડ ગ્રેનેડ અને 20,000 રૂપિયા રોકડા જપ્ત કર્યા છે. બાતમી મળતાં પોલીસે આ કાર્યવાહી કરી હતી.મહત્વનું છે કે આતંકવાદીઓ જમ્મુ-કાશ્મીરમાં સતત અશાંતિ ફેલાવવાનો પ્રયાસ કરી રહ્યા છે. આ સંદર્ભે, આતંકવાદીઓ પર કાર્યવાહી કરવા માટે ઘાટીમાં સતત સર્ચ ઓપરેશન ચલાવવામાં આવી રહ્યું છે.