ઈદ 2026 પર સલમાન નહીં પણ શાહરુખનો કબજો હશે, કિંગ ખાન દીકરી સુહાના સાથે મોટા પડદા પર જોવા મળશે

નિર્માતાઓ ફિલ્મોની રજૂઆત માટે તહેવારોની રજાઓ પર નજર રાખે છે. ઈદ પર ઘણીવાર સલમાન ખાનની ફિલ્મોનો કબજો રહ્યો છે. સલમાને તેની ફિલ્મ સિકંદરને આવતા વર્ષની ઈદ પર રિલીઝ કરવાની પણ જાહેરાત કરી છે. પરંતુ 2026 ની ઈદ તેમના હસ્તક નહીં પરંતુ શાહરૂખ ખાનના હાથમાં હશે.

-> શાહરૂખ ખાન દીકરી સુહાના સાથે જોવા મળશે :- શાહરૂખ અને તેની પુત્રી સુહાના ખાન અભિનીત ફિલ્મ કિંગ 2026ની ઈદ પર રિલીઝ થશે. ફિલ્મ સાથે સંકળાયેલા સૂત્રોના જણાવ્યા અનુસાર, સિદ્ધાર્થ આનંદ અને શાહરૂખ બંને નિર્માતા ઇચ્છે છે કે ફિલ્મ ઇદ પર રિલીઝ થાય. ફિલ્મ ચેન્નાઈ એક્સપ્રેસ બાદ ઈદ પર શાહરૂખની કોઈ ફિલ્મ રિલીઝ થઈ નથી. આવી સ્થિતિમાં ફિલ્મને સમયસર પૂરી કરવા માટે તેનું શૂટિંગ આવતા વર્ષે જાન્યુઆરીથી શરૂ થશે.પહેલું શેડ્યૂલનું શૂટિંગ મુંબઈમાં થશે. જે બાદ ફિલ્મની સ્ટારકાસ્ટ આગામી શેડ્યૂલ માટે યુરોપ જવા રવાના થશે. ફિલ્મના નિર્માતાઓએ યુરોપમાં ઘણી વખત રેસી કરી છે, જેથી તેઓ એવા લોકેશન શોધી શકે જે અગાઉ ફિલ્મોમાં જોવા મળ્યા ન હોય અને જે ફિલ્મના ધોરણના હોય.

-> અભિષેક બચ્ચન વિલનની ભૂમિકા ભજવશે :- સુજય ઘોષ દ્વારા નિર્દેશિત ફિલ્મ કિંગમાં શાહરૂખ ટાઈટલ રોલ પ્લે કરશે. અભિષેક બચ્ચન વિલનની ભૂમિકામાં હશે. આ ફિલ્મનું શૂટિંગ આવતા વર્ષે ઓગસ્ટ કે સપ્ટેમ્બર સુધીમાં પૂર્ણ થઈ જશે. ઘણા એક્શન સીન રિયલ લોકેશન અને સ્ટુડિયો સેટ પર શૂટ કરવામાં આવશે. કિંગ ઉપરાંત શાહરૂખ પાસે યશ રાજ ફિલ્મ્સની પઠાણ 2 પણ છે, જે હાલમાં લેખન તબક્કામાં છે.