હવે શાહરુખ ખાનને મળી જાનથી મારી નાંખવાની ધમકી, કોલનું લોકેશન છત્તીસગઢના રાયપુરનું

સલમાન ખાનને લોરેન્સ બિશ્નોઈ ગેંગ તરફથી ઘણી વખત જાનથી મારી નાખવાની ધમકી મળી છે. હવે સમાચાર આવી રહ્યા છે કે બોલિવૂડના બાદશાહ શાહરૂખ ખાનને પણ જાનથી મારી નાખવાની ધમકી મળી છે. બાંદ્રા પોલીસે આ મામલે કેસ નોંધીને તપાસ શરૂ કરી છે.

-> રાયપુરના ફૈઝાન નામના શખ્સે ધમકી આપી છે :- સૂત્રોના જણાવ્યા અનુસાર રાયપુરના ફૈઝાન નામના વ્યક્તિએ ધમકીભર્યો ફોન કર્યો હતો. આ ફોન કોલ શાહરૂખ ખાનની પ્રોડક્શન કંપની રેડ ચિલીઝની ઓફિસમાં આવ્યો હતો, જેના પછી હોબાળો મચી ગયો હતો. કિંગ ખાનને જાનથી મારી નાખવાની ધમકીભર્યા ફોન આવવા અંગે તરત જ પોલીસમાં ફરિયાદ દાખલ કરવામાં આવી હતી, ત્યારબાદ મુંબઈના બાંદ્રા પોલીસ સ્ટેશનમાં એફઆઈઆર નોંધવામાં આવી હતી. મુંબઈ પોલીસની ટીમ છત્તીસગઢ રાયપુર પહોંચી ગઈ છે. પોલીસે કોલ ટ્રેસ કર્યો તો તે રાયપુરનો હોવાનું બહાર આવ્યું. છેલ્લું સ્થાન બજારનું છે. પોલીસ ત્યાં પહોંચી ગઈ છે અને સતત લોકોની પૂછપરછ કરી રહી છે. હાલમાં વધુ તપાસ ચાલી રહી છે

-> પોલીસ દરેક એંગલથી તપાસ કરી રહી છે :- પોલીસ દરેક એંગલથી કેસની તપાસ કરી રહી છે. સાયબર સેલની ટીમ પણ કામ કરી રહી છે. મોબાઈલ નંબર નકલી દસ્તાવેજોથી લેવામાં આવ્યો છે કે કેમ તે જાણવાના પણ પ્રયાસો થઈ રહ્યા છે? હાલમાં આ મામલે મુંબઈ પોલીસના વરિષ્ઠ અધિકારીઓની બેઠક ચાલી રહી છે. એવું પણ કહેવામાં આવી રહ્યું છે કે પોલીસ ટૂંક સમયમાં આ સમગ્ર મામલાને લઈને પ્રેસ કોન્ફરન્સ કરી શકે છે.