અરવિંદ કેજરીવાલને મળ્યા જામીન, કેસની યોગ્યતા પર કોઇ જાહેર નિવેદન નહીં આપી શકે

આખરે દિલ્હીના મુખ્યમંત્રી અરવિંદ કેજરીવાલને જામીન મળી ગયા છે. સુપ્રીમ કોર્ટે આજે દિલ્હી લિકર પોલિસી કેસમાં મુખ્યમંત્રી અરવિંદ કેજરીવાલની જામીન અરજી પર પોતાનો ચુકાદો આપ્યો.. સુપ્રીમ કોર્ટે તેમને જામીન આપ્યા.. જસ્ટિસ સૂર્યકાંત અને જસ્ટિસ ઉજ્જવલ ભુઈયાની બેંચે તેમની જામીન અરજી પર ચુકાદો આપ્યો…સીબીઆઈ દ્વારા 26 જૂને દિલ્હીના મુખ્યમંત્રી અરવિંદ કેજરીવાલની ધરપકડ કરવામાં આવી હતી. આ પછી દિલ્હીના મુખ્યમંત્રી અરવિંદ કેજરીવાલે આ ધરપકડને ગેરકાયદે ગણાવીને જામીન અરજી કરી હતી. 5 સપ્ટેમ્બરે છેલ્લી સુનાવણીમાં કોર્ટે નિર્ણય સુરક્ષિત રાખ્યો હતો.

— >સુપ્રીમ કોર્ટે આ વાત કહી :- દિલ્હીના મુખ્ય પ્રધાન અરવિંદ કેજરીવાલને જામીન આપતાં સુપ્રીમ કોર્ટે કહ્યું કે ચાર્જશીટ દાખલ થઈ ગઈ હોવાથી અને નજીકના ભવિષ્યમાં ટ્રાયલ પૂર્ણ થવાની નથી, તેથી તેમને લાંબા સમય સુધી જેલમાં રાખવાનું કોઈ કારણ નથી. અરવિંદ કેજરીવાલે 10 લાખ રૂપિયાના જામીન બોન્ડ ભરવા પડશે.

–> ‘અમે 3 પ્રશ્નો તૈયાર કર્યા છે’ :- સુપ્રીમ કોર્ટે પોતાનો ચુકાદો આપતાં કહ્યું કે દલીલોના આધારે અમે 3 પ્રશ્નો તૈયાર કર્યા છે. ધરપકડમાં ગેરકાયદેસરતા હતી કે કેમ, અપીલ કરનારને નિયમિત જામીન આપવા જોઈએ કે કેમ, શું ચાર્જશીટ દાખલ કરવી તે સંજોગોમાં એવો ફેરફાર છે કે તેને ટીસીને મોકલી શકાય.

અગાઉથી અટકાયત કરાયેલ વ્યક્તિની ધરપકડ કરવામાં કોઈ અવરોધ નથી. અમે નોંધ્યું છે કે સીબીઆઈએ તેની અરજીમાં તે કારણો નોંધ્યા છે કે શા માટે તેને આવું કરવું જરૂરી લાગ્યું. કલમ 41A(iii) નું કોઈ ઉલ્લંઘન નથી. CBIની ધરપકડ સંબંધિત અરજી પર જસ્ટિસ સૂર્યકાન્તે કહ્યું, ‘અપીલકર્તાની ધરપકડ ગેરકાયદે નથી.’SCએ કહ્યું કે અરવિંદ કેજરીવાલ આ કેસની યોગ્યતા પર કોઈ જાહેર ટિપ્પણી કરશે નહીં. ED કેસમાં લાદવામાં આવેલી શરતો આ કેસમાં પણ લાગુ પડશે.