akshay 
મધ્યપ્રદેશના પૂર્વ મુખ્યમંત્રી દિગ્વિજય સિંહના ભત્રીજા આદિત્ય વિક્રમ સિંહનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં આદિત્ય સિંહ SDOP અને TIના ચહેરા પર સિગારેટના ધુમાડા ઉડાડતા જોવા મળે છે. . આ કેસમાં પોલીસે આદિત્ય સિંહ વિરુદ્ધ સરકારી કામમાં અવરોધ અને સરકારી કર્મચારીને ધક્કો મારવા અને દુર્વ્યવહાર કરવાનો કેસ નોંધ્યો છે.વાસ્તવમાં રાઠોગઢમાં ‘હું અભિમન્યુ છું’ અભિયાન ચાલી રહ્યું છે.
આ કાર્યક્રમ અંતર્ગત સામાન્ય લોકોમાં જાગૃતિ લાવવા માટે શાળા, કોલેજ, બસ સ્ટેન્ડ, રેલ્વે સ્ટેશન સહિત અનેક સ્થળોએ રેલી અને નાટકો યોજવામાં આવી રહ્યા છે. ગઈકાલે કેનેરા બેંક તિરાહા ખાતે કોલેજના વિદ્યાર્થીઓ શેરી નાટક કરી રહ્યા હતા. ત્યારબાદ પૂર્વ CM દિગ્વિજય સિંહના ભાઈ અને પૂર્વ સાંસદ લક્ષ્મણ સિંહના પુત્ર આદિત્ય ત્યાં આવ્યા. આ પછી કાર્યક્રમ બંધ કરી દેવાનું કહેવામાં આવ્યું હતું. આ દરમિયાન પોલીસ સાથે બોલાચાલી થઈ હતી.આ તરફ હવે જેવો વીડિયો સામે આવ્યો કે બીજેપી નેતાઓએ પણ આદિત્ય સિંહના નામ પર દિગ્વિજય સિંહને આડે હાથ લીધા છે.
ભાજપના મીડિયા પ્રભારી આશિષ અગ્રવાલે લખ્યું છે કે, દિગ્વિજય સિંહનો ભત્રીજો સિગારેટની ‘સ્મોક રિંગ’ બનાવીને મહિલા અધિકારીઓ પર ‘રોફ’ બતાવે છે! જુઓ…કોંગ્રેસના મુખ્ય પરિવારોના પુત્રોના વર્તન, ચહેરો અને ચારિત્ર્ય! આ આદિત્યવિક્રમ સિંહ છે, કોંગ્રેસના પૂર્વ મુખ્યમંત્રી દિગ્વિજય સિંહના ભત્રીજા અને વરિષ્ઠ નેતા લક્ષ્મણ સિંહના પુત્ર, જે અગાઉ નગરપાલિકા પ્રમુખ રહી ચૂક્યા છે. તેમણે લખ્યું છે કે આ કોંગ્રેસી નેતાઓ વિપક્ષમાં રહીને પણ આવા શરમજનક કૃત્યો કરતા હોય તો સત્તામાં હોત તો શું કર્યું હોત? મધ્યપ્રદેશના લોકો સમજદાર છે અને તેમને સારી રીતે જાણે છે
