સંસદનું વિશેષ સત્ર અપડેટ્સઃ લોકસભામાં મહિલા અનામત બિલ પાસ, જાણો બિલ વિશે સંપૂર્ણ માહિતી | Women's Reservation Bill passed in Lok Sabha
સંસદનું વિશેષ સત્ર અપડેટ્સઃ લોકસભામાં મહિલા અનામત બિલ પાસ, વડાપ્રધાન નરેન્દ્ર મોદી હાજર
નારી શક્તિ વંદન અધિનિયમ બિલ લોકસભામાં મહિલા અનામત બિલના પક્ષમાં 454 વોટ સાથે પાસ થઈ ગયું છે. લોકસભાના અધ્યક્ષ ઓમ બિરલાએ જણાવ્યું હતું કે આ પ્રસ્તાવની વિરુદ્ધમાં બે મત છે.
મંગળવારે જ્યારે લોકસભામાં મહિલા અનામત બિલ રજૂ કરવામાં આવ્યું હતું, ત્યારે વડાપ્રધાન નરેન્દ્ર મોદીએ 19 સપ્ટેમ્બરને "ઐતિહાસિક દિવસ" ગણાવ્યો હતો અને વિરોધ પક્ષોને બિલ પસાર કરવા વિનંતી કરી હતી.
મહિલાઓના યોગદાન પર પ્રકાશ પાડતા પીએમ મોદીએ કહ્યું કે તેમણે નીતિ નિર્માણમાં મોટી ભૂમિકા ભજવી હતી અને મહિલા અનામત પર બિલ લાગુ કરવા માટે ભગવાને તેમને પસંદ કર્યા હતા.
મહિલા અનામત બિલ છેલ્લા 27 વર્ષથી સર્વસંમતિ અને રાજકીય ઇચ્છાશક્તિના અભાવે લટકી રહ્યું છે. જો કે, આ અગાઉ પસાર થયેલું બિલ નહીં પણ નવું બિલ હશે. લોકસભામાં આજે સવારે 11 વાગ્યાથી બિલ પર ચર્ચા કરવા માટે સાત કલાકની વિન્ડો હતી.
મહિલા અનામત બિલમાં શું પ્રસ્તાવ છે?
બિલમાં લોકસભા અને રાજ્ય વિધાનસભાઓમાં મહિલાઓ માટે 33 ટકા પ્રતિનિધિત્વની દરખાસ્ત કરવામાં આવી છે. ચર્ચા બાદ આ ખરડો આજે મોડેથી ગૃહમાં પસાર થાય તેવી શક્યતા છે.
નારી શક્તિ વંદન અધિનિયમ નામનું આ બિલ કાયદા પ્રધાન અર્જુન રામ મેઘવાલે લોકસભામાં રજૂ કર્યું હતું. તે સીમાંકનની કવાયત પૂર્ણ થયા પછી જ અમલમાં આવશે અને તેથી ૨૦૨૪ માં આગામી લોકસભાની ચૂંટણી દરમિયાન તે અમલમાં આવે તેવી સંભાવના નથી.
Comment / Reply From
You May Also Like
Popular Posts
Newsletter
Subscribe to our mailing list to get the new updates!