વજન ઘટાડવું હોય કે હૃદયને મજબૂત કરવું હોય, સવારે ખાલી પેટ આટલું ચાલી નાખો, મળશે અઢળક ફાયદા
જો તમે દિનચર્યામાં 30-મિનિટ વોકનો સમાવેશ કરો છો, તો તે હૃદયથી લઈને માનસિક સ્વાસ્થ્ય માટે મદદરૂપ સાબિત થઈ શકે છે.
જો કોઈ વ્યક્તિને સ્થૂળતાની સમસ્યા હોય તો તે અનેક રોગોનું કારણ બને છે. આ માટે તમે ડાયેટ કે એક્સરસાઈઝ ભલે કરતા હો, પણ તમને એ જાણીને નવાઈ લાગશે કે માત્ર 30 મિનિટ ચાલવાથી જ ફિટ રહી શકાય છે અને ઘણી બીમારીઓથી બચી શકાય છે.
મોર્નિંગ વોક વજનને નિયંત્રિત કરવામાં અને કેલરી બર્ન કરવામાં મદદરૂપ છે. જો તમે તમારી દિનચર્યામાં 30-મિનિટ વોકનો સમાવેશ કરો છો, તો તે હૃદયથી લઈને માનસિક સ્વાસ્થ્ય માટે મદદરૂપ સાબિત થઈ શકે છે. એમાં પણ ખાલી પેટ ઝડપથી ચાલીને દિવસની શરૂઆત કરો તો તે તમારા ચયાપચયને વેગ આપે છે.
મોર્નિંગ વોક દરરોજ લગભગ 150 વધારાની કેલરી બર્ન કરવામાં મદદ કરી શકે છે. તમે જેટલી ઝડપથી અને સતત ચાલશો, તેટલી ઝડપથી કેલરી બર્ન કરી શકશો.
30 મિનિટ મોર્નિંગ વોકના છે અનેક ફાયદા
તાજગીનો અનુભવ :- સવારે ખાલી પેટ ચાલવાથી તમારી એનર્જી બદલાય છે, જેનાથી તમે દિવસભર તાજગી અનુભવો છો. તે થાક ઘટાડવામાં અને દિવસભર ઊર્જાવાન અનુભવવામાં મદદ કરે છે.
હૃદય મજબૂત બને છે :- મોર્નિંગ વોક હૃદયના સ્વાસ્થ્ય માટે એક ચમત્કાર સાબિત થઈ શકે છે. તે હૃદયને સ્વસ્થ રાખવામાં અને બ્લડ પ્રેશર ઘટાડવામાં મદદ કરે છે. વોકિંગથી તમે સ્ટ્રોક અને હૃદય રોગના જોખમને સક્રિયપણે ઘટાડી શકો છો.
પાચનતંત્રમાં સુધારો :- પાચનતંત્રને સુધારવા માટે સવારે ખાલી પેટ ચાલવાની સલાહ આપવામાં આવે છે. આ તમારા પેટના સ્નાયુઓના કુદરતી સંકોચનને પ્રોત્સાહિત કરે છે.
માનસિક સ્વાસ્થ્યમાં સુધારો :- નિયમિત ચાલવું તમારા માનસિક સ્વાસ્થ્ય માટે પણ સારું માનવામાં આવે છે. તેનાથી તમારો મૂડ સારો રહે છે અને તમને ચિંતાઓથી દૂર રાખે છે.
સારી ઊંઘ :- સવારે ચાલવાથી તમને સારો સૂર્યપ્રકાશ મળે છે. સૂર્યપ્રકાશ કુદરતી રીતે તમારી સર્કેડિયન લયને નિયંત્રિત કરે છે અને તમારી ઊંઘની ગુણવત્તામાં વધારો કરે છે.
વજન નિયંત્રણમાં રહે છે :- આજે મોટાભાગની વ્યક્તિ વધતા વજનથી પરેશાન છે. તમે દરરોજ 30 મિનિટ વોક કરીને તમારા વધતા વજનને કંટ્રોલમાં કરી શકો છો.
બ્લડ પ્રેશરને નિયંત્રિત કરે છે :- માત્ર 30 મિનિટ ચાલવાથી તમે હાઈ બ્લડ પ્રેશરને નિયંત્રિત કરી શકો છે. જે લોકોને હાઈ બીપીની સમસ્યા હોય તેઓએ દરરોજ ચાલવું જોઈએ.
Comment / Reply From
You May Also Like
Popular Posts
Newsletter
Subscribe to our mailing list to get the new updates!