આ છે બજરંગ બલિના 6 ચમત્કારી રૂપ, જાણો ક્યા સ્વરૂપની પૂજા કરવાથી મળશે ફળ
સનાતન ધર્મમાં મંગળવાર હનુમાનજીને સમર્પિત છે. આ દિવસે ભક્તો યોગ્ય વિધિ-વિધાન સાથે બજરંગ બલીની પૂજા કરવાથી વિશેષ ફળ પ્રાપ્ત કરે છે. ધાર્મિક માન્યતાઓના આધારે મંગળવારે સાચા મન અને શ્રદ્ધાથી ભગવાન હનુમાનની પૂજા કરવાથી દરેક સમસ્યામાંથી મુક્તિ મળે છે. આ જ કારણ છે કે હનુમાનજીને સંકટ મોચન પણ કહેવામાં આવે છે. રામ ભક્ત હનુમાનજીના અનેક સ્વરૂપો છે અને દરેક સ્વરૂપની પૂજા કરવાથી અલગ-અલગ પરિણામ મળે છે. આવો જાણીએ ઘરમાં બજરંગ બલિના કયા સ્વરૂપની પૂજા કરવાથી શું ફળ મળે છે.
-- પંચમુખી હનુમાન :- ઘરમાં પંચમુખી હનુમાનજીની પૂજા કરવાથી દરેક અવરોધ દૂર થાય છે અને પ્રગતિનો માર્ગ ખુલે છે. આ સાથે ઘરમાં રહેલ નકારાત્મક ઉર્જા પણ દૂર થાય છે. ઘરમાં ભગવાન હનુમાનના પંચમુખી સ્વરૂપની તસવીર લગાવવાથી પરિવાર પર ખરાબ પડછાયો નથી પડતો. ધ્યાન રાખો કે આ તસવીરો દરેકની નજર સામે હોવી જોઈએ.
-- વીર હનુમાન :- ઘરમાં ભગવાન હનુમાનના પરાક્રમી સ્વરૂપની પૂજા કરવાથી વ્યક્તિને હિંમત, શક્તિ અને આત્મવિશ્વાસ મળે છે. વીર હનુમાનજીની પૂજા કરવાથી પરિવારના સભ્યોના કામમાં આવતી તમામ અડચણો કે સમસ્યાઓ દૂર થાય છે.
-- એકાદશી હનુમાન :- કાલકારમુખ નામના ભયંકર રાક્ષસને મારવા માટે હનુમાનજીએ 'એકાદશી હનુમાન'નું રૂપ ધારણ કર્યું હતું. આ રાક્ષસને શનિવારે હનુમાનજીએ માર્યો હતો. ધાર્મિક માન્યતા અનુસાર, હનુમાનજીના એકાદશી સ્વરૂપની પૂજા કરવાથી માત્ર હનુમાનજી જ નહીં પરંતુ તમામ દેવી-દેવતાઓના આશીર્વાદ પ્રાપ્ત થાય છે.
