દિલ્હી કેપિટલ્સના કેપ્ટનને 24 લાખ રૂપિયાનો દંડ ફટકારવામાં આવ્યો
IPL NEWS 2024 :IPL 2024માં સતત બીજી વખત ધીમો ઓવર રેટ જાળવવા બદલ દિલ્હી કેપિટલ્સના કેપ્ટન રિષભ પંતને 24 લાખ રૂપિયાનો દંડ ફટકારવામાં આવ્યો છે. બુધવારે વિશાખાપટ્ટનમમાં કોલકાતા નાઈટ રાઈડર્સ સામેની મેચ દરમિયાન દિલ્હી કેપિટલ્સ નિર્ધારિત સમય કરતા ઓછી ઓવરો કરાવવા માટે દોષી સાબિત થઈ હતી.
પંત સિવાય જે ખેલાડીઓ દિલ્હી કેપિટલ્સની પ્લેઈંગ 11નો ભાગ હતા તેમને મેચ ફીના 25 ટકા દંડ ફટકારવામાં આવ્યો છે. આ મેચમાં દિલ્હી કેપિટલ્સને 106 રને હારનો સામનો કરવો પડ્યો હતો. તમને જણાવી દઈએ કે IPL 2024ની 16મી મેચમાં KKRએ પ્રથમ બેટિંગ કરતા 20 ઓવરમાં 7 વિકેટ ગુમાવીને 272 રન બનાવ્યા હતા.
વર્તમાન IPLમાં ટીમનો આ બીજો સૌથી મોટો સ્કોર હતો. જવાબમાં દિલ્હી કેપિટલ્સની ટીમ 17.2 ઓવરમાં 166 રનમાં ઓલઆઉટ થઈ ગઈ હતી અને 106 રનથી મેચ હારી ગઈ હતી. બીસીસીઆઈએ એક નિવેદન જારી કરીને કહ્યું કે ધીમા ઓવર રેટના કારણે પંતને દંડ ફટકારવામાં આવ્યો છે. દિલ્હી કેપિટલ્સનો પણ CSK સામે ધીમો ઓવર-રેટ હતો અને તે KKR સામે બીજી વખત દોષી સાબિત થયો હતો.
આ જ કારણ છે કે પંતને 24 લાખ રૂપિયાનો દંડ ફટકારવામાં આવ્યો છે. ઈમ્પેક્ટ પ્લેયર સહિત અન્ય ખેલાડીઓને મેચ ફીના 25 ટકા દંડ ફટકારવામાં આવ્યો હતો. બીસીસીઆઈએ તેના નિવેદનમાં કહ્યું, "દિલ્હી કેપિટલ્સના કેપ્ટન ઋષભ પંત અને તેની ટીમને KKR સામે ધીમી ઓવર રેટ જાળવવા બદલ દંડ ફટકારવામાં આવ્યો હતો."
નિવેદનમાં વધુમાં કહેવામાં આવ્યું છે કે, “આઈપીએલ આચાર સંહિતા હેઠળ દિલ્હી કેપિટલ્સનો આ સીઝનનો બીજો ગુનો હતો. પંતને 24 લાખ રૂપિયાનો દંડ ફટકારવામાં આવ્યો હતો. ઈમ્પેક્ટ પ્લેયર સહિત પ્લેઈંગ 11ના બાકીના સભ્યોને 6 લાખ રૂપિયા અથવા તેમની મેચ ફીના 25 ટકાનો દંડ ફટકારવામાં આવ્યો હતો. જે ઓછું હોય તે મુજબ દંડ વસૂલવામાં આવે છે.
રિષભ પંત પર એક મેચના પ્રતિબંધનો ખતરો છે. જો દિલ્હી કેપિટલ્સ ટીમ મેચમાં ધીમી ઓવર રેટ જાળવી રાખે છે, તો તે તેમની ત્રીજી ભૂલ હશે અને આવા કિસ્સામાં કેપ્ટન પર એક મેચ માટે પ્રતિબંધ મૂકવામાં આવશે. નોંધનીય છે કે દિલ્હી કેપિટલ્સની ટીમ IPL 2024ના પોઈન્ટ ટેબલમાં 4 મેચમાં ત્રણ હાર સાથે 9મા સ્થાને છે.
