રોહિત 2023 વર્લ્ડ કપ ફાઈનલને યાદ કરીને ભાવુક થયા
BULETIN INDIA :કપિલ શર્મા તેના નવા શો 'ધ ગ્રેટ ઈન્ડિયન કપિલ શો' સાથે નેટફ્લિક્સ પર ધૂમ મચાવી રહ્યો છે. ક્રિકેટર રોહિત શર્મા અને શ્રેયસ અય્યર 'ધ ગ્રેટ ઈન્ડિયન કપિલ શો'ના બીજા એપિસોડમાં ગેસ્ટ તરીકે જોડાયા હતા. શો દરમિયાન, રોહિત શર્મા 2023 વર્લ્ડ કપ ફાઇનલમાં ઓસ્ટ્રેલિયા સામે ભારતની હારને યાદ કરીને ભાવુક થયા હતા.
કપિલ શર્માનો શો 'ધ ગ્રેટ ઈન્ડિયન કપિલ શો' દર્શકોને ખૂબ જ પસંદ છે. શનિવારે રાત્રે શોના બીજા એપિસોડમાં ક્રિકેટર રોહિત શર્માએ 2023 વર્લ્ડ કપ ફાઈનલને યાદ કરતાં કહ્યું, 'મેચના બે દિવસ પહેલા અમારી ટીમ અમદાવાદમાં હતી અને અમે ખૂબ સારી પ્રેક્ટિસ પણ કરી હતી. અમારી ટીમ શાનદાર પ્રદર્શન કરી રહી હતી.
રોહિત શર્મા પોતાની વાત ચાલુ રાખતા કહે છે, '2023 વર્લ્ડ કપ ફાઈનલ દરમિયાન એવું લાગતું હતું કે અમારી ટીમ ઓટોપાયલટ પર રમી રહી છે. ફાઈનલના દિવસે મેચ શરૂ થઈ ત્યારે અમે પણ સારી શરૂઆત કરી હતી. શુભમન ગિલ વહેલો આઉટ થયો હતો પરંતુ પછી વિરાટ કોહલી અને મેં ભાગીદારી કરી હતી. અમને વિશ્વાસ હતો કે અમે સારો સ્કોર મેળવી શકીશું.
હારના કડવા અનુભવોને યાદ કરતા રોહિત શર્મા કહે છે, 'મને લાગે છે કે મોટી મેચોમાં જો તમે શરૂઆતમાં રન બનાવીને અન્ય ટીમ પર દબાણ બનાવી શકતા હોવ, પરંતુ અમે તેમ કરવામાં નિષ્ફળ ગયા.'
Comment / Reply From
You May Also Like
Popular Posts
Newsletter
Subscribe to our mailing list to get the new updates!