વનડે વર્લ્ડ કપ 2023 માટે ભારતની જર્સીનું સત્તાવાર અનાવરણ એડિડાસ દ્વારા કરવામાં આવ્યું | India's jersey for ODI World Cup 2023 officially unveiled by Adidas
વનડે વર્લ્ડ કપ 2023 માટે ભારતની જર્સીનું સત્તાવાર અનાવરણ એડિડાસ દ્વારા કરવામાં આવ્યું
એડિડાસે હાલની વનડે કીટમાં થોડો સુધારો કરીને આગામી વર્લ્ડ કપ માટે ભારતની જર્સીનું અનાવરણ કર્યું છે. એડિડાસ આ વર્ષની શરૂઆતમાં ભારતની કિટ સ્પોન્સર બની હતી. ભારતની વન-ડે કિટમાં સુધારો કરવામાં આવ્યો.
- વર્લ્ડ કપ માટે ભારતની વનડે જર્સીમાં સુધારો કરવામાં આવ્યો છે
- પ્રોમો વીડિયોમાં કોહલી, રોહિત અને હાર્દિક જેવા ભારતીય સ્ટાર્સ ચમક્યા
- ભારત આગામી ત્રણ મેચની વન-ડે શ્રેણીમાં ઓસ્ટ્રેલિયા સામે રમશે
એડિડાસે આગામી મહિને તારીખ 20મી સપ્ટેમ્બરને બુધવારે યોજાનારા વર્લ્ડ કપ દરમિયાન ભારતીય ક્રિકેટ ટીમ જે કિટ પહેરશે તે કિટનું અનાવરણ કર્યું હતુ.
ભારતીય ક્રિકેટમાં નવા યુગનો પ્રારંભ થતાં બીસીસીઆઇએ 23 મે, 2023ના રોજ સ્પોર્ટસ એપરલ જાયન્ટ્સ સાથે બહુવર્ષીય ભાગીદારીની જાહેરાત કરી ત્યારથી જ ભારત એડિડાસ કિટ્સ પહેરતું આવ્યું છે. આ ભાગીદારી અગાઉના કિટ સ્પોન્સર, એમપીએલ દ્વારા તેના કરારને સમાપ્ત કરવાનો નિર્ણય લેવામાં આવ્યા બાદ કરવામાં આવી હતી, જે 2023 માં સમાપ્ત થવાની હતી. એડિડાસ પહેલા, કિટ સ્પોન્સરશિપને એમપીએલ (MPL) પાસેથી કપડાની બ્રાન્ડ કિલર જીન્સ દ્વારા હસ્તગત કરવામાં આવી હતી.
એડિડાસ અને બીસીસીઆઈ વચ્ચેની આ ડીલ ક્રિકેટની દુનિયામાં સૌથી મોટી ડીલ છે. જોકે બીસીસીઆઈએ આ કરારની નાણાકીય વિગતો જાહેર કરી ન હતી, પરંતુ આ ઘટનાક્રમ સાથે સંકળાયેલા સૂત્રોએ ખુલાસો કર્યો હતો કે પાંચ વર્ષનો આ સોદો ૨૫૦ કરોડથી વધુનો હતો. એડિડાસ માર્ચ ૨૦૨૮ સુધી ભારત જે પણ મેચ રમે છે તેના માટે ૬૫ લાખ રૂપિયા ચૂકવે તેવી અપેક્ષા છે.
વર્લ્ડ કપની જર્સી આ સમયે ભારત દ્વારા ઉપયોગમાં લેવામાં આવતી વન-ડે કિટની જેમ જ થીમને અનુસરે છે, જેમાં તેમાં કેટલાક નોંધપાત્ર ફેરફારો કરવામાં આવ્યા છે. ખભા પરના સફેદ પટ્ટાઓની જગ્યાએ ભારતીય ધ્વજનો ત્રિરંગો મૂકવામાં આવ્યો છે.
1983 ignited the spark.
— adidas (@adidas) September 20, 2023
2011 brought in glory.
2023 marks the beginning of #3KaDream. pic.twitter.com/1eA0mRiosV
