આ જગ્યાએ લોકો પેટ્રોલની પૂરી ટાંકી ભરી શકશે નહીં, માત્ર આટલા રૂપિયાનું પેટ્રોલ અને ડીઝલ ખરીદી શકશે
બુલેટિન ઈન્ડિયા : ત્રિપુરા સરકારે બુધવારે પેટ્રોલ અને ડીઝલના વેચાણ અને ખરીદી પર મર્યાદા નક્કી કરી છે, કારણ કે રાજ્યમાં દ્વિચક્રી વાહનો માટે પેટ્રોલ 200 રૂપિયામાં ઉપલબ્ધ થશે ફોર-વ્હીલર માટે રૂ. 500 માં ઉપલબ્ધ થશે. ખાદ્ય અને નાગરિક પુરવઠા વિભાગ દ્વારા બહાર પાડવામાં આવેલા આદેશમાં પેટ્રોલ પંપોને એક દિવસમાં બસને માત્ર 60 લિટર ડીઝલ વેચવા માટે કહેવામાં આવ્યું છે, જ્યારે મિની બસ અને ઓટો રિક્ષા-થ્રી-વ્હીલર માટે આ મર્યાદા 40 અને 15 લિટર હશે. ત્યારે ત્રિપુરા સરકારે બુધવારે પેટ્રોલ અને ડીઝલના વેચાણ અને ખરીદી પર મર્યાદા નક્કી કરી છે.
જણાવી દઈએ કે આસામના જટીંગામાં મોટા પાયે ભૂસ્ખલનને કારણે ત્રિપુરા જતી માલગાડીઓ ખોરવાઈ ગઈ છે. સમારકામના કામ પછી, પેસેન્જર ટ્રેન સેવા 26 એપ્રિલના રોજ પુનઃસ્થાપિત કરવામાં આવી હતી, પરંતુ જટીંગા મારફતે ટ્રેન સેવા હજુ પણ રાત્રિના સમયે સ્થગિત છે.
ખાદ્ય અને નાગરિક પુરવઠા વિભાગના અધિક સચિવ નિર્મલ અધિકારીએ જણાવ્યું હતું કે રાજ્યમાં આવતી માલસામાન ટ્રેનોની અવરજવરમાં વિક્ષેપને કારણે પેટ્રોલ અને ડીઝલના પુરવઠામાં ઘટાડો થયો છે અને તેથી વેચાણ પર કેટલાક નિયંત્રણો છે. ઈંધણ - પેટ્રોલ અને ડીઝલ પર 1 મેથી આગામી આદેશો સુધી નિયંત્રણો લાદવાનો નિર્ણય લેવામાં આવ્યો છે.
