એર ઈન્ડિયા એક્સપ્રેસ સંકટમા , આજે પણ 74 ફ્લાઈટ કેંસિલ થઈ
બુલેટિન ઇન્ડિયા : એર ઈન્ડિયા એક્સપ્રેસ ફ્લાઈટ ઓપરેશન ખોરવાઈ રહ્યું છે. વાસ્તવમાં ક્રૂ મેમ્બર્સ અચાનક રજા પર જવાના કારણે આ સમસ્યા ઊભી થઈ છે. છેલ્લા કેટલાક દિવસોમાં એરલાઇનની 90 થી વધુ ફ્લાઇટ્સ રદ કરવામાં આવી હતી. ફ્લાઇટ કેન્સલ થવાને કારણે હજારો મુસાફરોને મુશ્કેલીનો સામનો કરવો પડી રહ્યો છે. આજે પણ એર ઈન્ડિયા એક્સપ્રેસની 74 ફ્લાઈટ્સ રદ કરવામાં આવી છે. મુસાફરોની મુશ્કેલીઓ ઘટાડવા માટે એર ઈન્ડિયા તેના 20 રૂટ પર સેવાઓનું સંચાલન કરશે.
અમે આજે 292 ફ્લાઈટ્સ ઓપરેટ કરીશું. અમે તમામ સંસાધનો એકત્ર કર્યા છે અને એર ઈન્ડિયા અમારા 20 રૂટ પર સંચાલન કરીને અમને ટેકો આપશે. જો કે, અમારી 74 ફ્લાઇટ્સ રદ કરવામાં આવી છે અને અમે અમારા બુક કરાયેલા મહેમાનોને વિનંતી કરીએ છીએ કે તેઓ એરપોર્ટ પર જતા પહેલા ફ્લાઇટનું સ્ટેટસ ચેક કરી લે જો કોઈ પેસેન્જરની ફ્લાઇટ રદ થાય અથવા ત્રણ કલાકથી વધુ વિલંબ થાય તો મુસાફરો કોઈપણ ચાર્જ વિના રિફંડ માટે અથવા રિશેડ્યૂલ કરવાનું પસંદ કરી શકે છે. પછીની તારીખ માટે આજે 74 ફ્લાઈટ કેન્સલ થઈ છે જે એરલાઈન્સની રોજની ફ્લાઇટના આશરે 20 ટકા છે.
એર ઈન્ડિયા એક્સપ્રેસ ફ્લાઈટ્સ સરળતાથી કામ કરી રહી નથી. તેની સૌથી વધુ અસર કેરળના એરપોર્ટ પર જોવા મળી છે. વાસ્તવમાં, એરલાઇન્સે મુસાફરોને કેરળના એરપોર્ટ પરથી વિવિધ સ્થળોએ મુસાફરી કરવાનું વચન આપ્યું હતું. જો કે, તિરુવનંતપુરમ, કોચી અને કન્નુર એરપોર્ટ પર મુસાફરોને નિરાશાનો સામનો કરવો પડ્યો હતો જ્યારે સતત બીજા દિવસે છેલ્લી ઘડીએ ગલ્ફ દેશોની ફ્લાઇટ્સ રદ કરવામાં આવી હતી. આ અચાનક રદ થવાથી મુસાફરોને નિરાશા અને અસુવિધા થઈ છે જેઓ તેમની મુસાફરી યોજનાઓ માટે એરલાઈન્સની ખાતરી પર નિર્ભર હતા મને ગઈ કાલે એર ઈન્ડિયા એક્સપ્રેસ દ્વારા ખાતરી આપવામાં આવી હતી કે હું ગુરુવારે કતાર જઈ શકીશ. પણ તેણે પોતાનું વચન પાળ્યું નહિ. મને છેલ્લી ઘડીએ જાણ કરવામાં આવી કે મારી ફ્લાઇટ સતત બીજા દિવસે ફરીથી રદ કરવામાં આવી છે. એરલાઈને તે કર્મચારીઓને બરતરફ કરી દીધા જેમણે માંદગીની રજા લીધી છે. આ સિવાય બાકીના ક્રૂ મેમ્બર્સને પણ સાંજે 4 વાગ્યા સુધીમાં ડ્યુટી પર પાછા ફરવાનું અલ્ટીમેટમ આપવામાં આવ્યું છે.
