મુખ્ય ચૂંટણી કમિશનર રાજીવ કુમારને 'Z' શ્રેણીની સુરક્ષા મળી
NEWS UPDATE :કેન્દ્ર સરકારે મુખ્ય ચૂંટણી કમિશનર રાજીવ કુમારને દેશભરમાં સેન્ટ્રલ રિઝર્વ પોલીસ ફોર્સ (CRPF)ની Z શ્રેણીની સુરક્ષા આપવાનો નિર્ણય કર્યો છે. કેન્દ્ર સરકારે સંભવિત જોખમોને ધ્યાનમાં રાખીને આ નિર્ણય લીધો છે.
કેન્દ્રીય ગૃહ મંત્રાલયે સેન્ટ્રલ રિઝર્વ પોલીસ ફોર્સ (CRPF)ને લગભગ 40-45 જવાનોની ટુકડી પૂરી પાડવાનું કામ સોંપ્યું છે. કેન્દ્રીય સુરક્ષા એજન્સીઓએ તેમના અહેવાલમાં મુખ્ય ચૂંટણી કમિશનર (CEC) રાજીવ કુમાર માટે મજબૂત સુરક્ષાની ભલામણ કરી હતી. મુખ્ય ચૂંટણી કમિશનર રાજીવ કુમારની સાથે દેશભરમાં સશસ્ત્ર કમાન્ડોની ટુકડી તૈનાત કરવામાં આવશે.
રાજીવ કુમાર દેશના 25મા મુખ્ય ચૂંટણી કમિશનર છે. 1984 બેચના IAS અધિકારી રાજીવ કુમારે ભૂતપૂર્વ મુખ્ય ચૂંટણી કમિશનર સુશીલ ચંદ્રાની જગ્યા લીધી છે. આ પહેલા તેઓ ચૂંટણી કમિશનર પણ રહી ચૂક્યા છે. રાજીવ કુમારે ભારત સરકારમાં પણ ઘણા મહત્વના પદો પર સેવા આપી છે. રાજીવ કુમાર, જેઓ બિહાર અને ઝારખંડ કેડરના IAS હતા, 2020 માં ભારતીય વહીવટી સેવામાંથી નિવૃત્ત થયા હતા.
