મણિપુરમાં વધુ એક ગેંગરેપની ભયાનક ઘટના બની, કાર્યવાહી અને ન્યાયની માંગ
મણિપુર ગેંગરેપની વધુ એક ભયાનક ઘટના. પીડિતાએ કહ્યું અમારા બાળકો સાથે બને તેટલી ઝડપથી દોડ્યા પણ... અમે બચી ના શક્યા. મહિલાએ આરોપ લગાવ્યો હતો કે હિંસા વચ્ચે તેના ઘરેથી ભાગતી વખતે તેની સાથે ગેંગરેપ કરવામાં આવ્યો હતો.
મણિપુરમાં 3 મેની ઘટના અંગે એક મહિલાએ પોલીસમાં ફરિયાદ કર્યા બાદ ગેંગરેપની વધુ એક ઘટના સામે આવી છે. બુધવારે દાખલ કરવામાં આવેલી એફઆઈઆરમાં મહિલાનું કહેવું છે કે તે ચુરાચંદપુરમાં તોફાનીઓથી ભાગી રહી હતી ત્યારે કેટલાક કુકી બદમાશોએ તેની સાથે ગેંગરેપ કર્યો હતો.
બુધવારે એફઆઈઆર નોંધાયા બાદ મણિપુરમાં બીજી ગેંગરેપની ઘટના પ્રકાશમાં આવી હતી. એક 37 વર્ષીય મહિલાએ ફરિયાદ કરી હતી કે 3 મેના રોજ વંશીય અથડામણો ફાટી નીકળી ત્યારે તે ચુરાચંદપુરમાં તેના ઘરેથી ભાગવાનો પ્રયાસ કરી રહી હતી ત્યારે કુકી શખ્સોએ તેના પર ગેંગરેપ કર્યો હતો. મહિલાએ તેની પોલીસ ફરિયાદમાં જણાવ્યું હતું કે, "અમે ટોળાથી બચવા માટે શક્ય તેટલી ઝડપથી દોડ્યા હતા."
પોલીસને આપેલા નિવેદન અનુસાર, 3 મેના રોજ સાંજે 6:30 વાગ્યાની આસપાસ, કુકી બદમાશોના એક જૂથે મહિલા સહિત ઘણા ઘરોમાં આગ લગાવી દીધી હતી. આ અંધાધૂંધી વચ્ચે, તેણે તેની ભત્રીજી અને બે પુત્રો સાથે ભાગી જવાનો પ્રયાસ કર્યો, તેની સાથે તેની ભાભી પણ હતી. જોકે, લગભગ અડધો કિલોમીટર સુધી દોડ્યા બાદ તે ઠોકર ખાઇને પડી ગઇ હતી. જ્યારે તેની ભાભી બાળકો સાથે સલામતી માટે દોડી ગઈ હતી, જ્યારે મહિલાને પાંચ-છ બદમાશોએ અટકાવી હતી.
પ્રતિકાર કરવાના તેના પ્રયત્નો છતાં, તેના પર શારીરિક હુમલો કરવામાં આવ્યો હતો અને ત્યારબાદ તેના પર ક્રૂર જાતીય હુમલો કરવામાં આવ્યો હતો. મારા રડવા છતાં કોઈની મદદ મળી ન હતી. ત્યાર બાદ ફરી કેટલાક વધુ કુકી બદમાશો તેમની સાથે જોડાયા હતા. એ વખતે મારા હોશ ઊડી ગયા. બાદમાં, જ્યારે હું ભાનમાં આવી, ત્યારે મેં મારી જાતને કેટલાક મીતેઈ લોકોથી ઘેરાયેલા એક મકાનમાં જોયો, મહિલાએ તેના નિવેદનમાં જણાવ્યું હતું.
આ એફઆઈઆર બુધવારે બિષ્ણુપુરના મહિલા પોલીસ સ્ટેશનમાં નોંધાઈ હતી અને વધુ તપાસ માટે ચુરાચંદપુર પોલીસ સ્ટેશનમાં મોકલવામાં આવી છે. એફઆઈઆર બાદ પીડિતાની તબીબી તપાસ કરવામાં આવી હતી. મહિલા હવે આંતરિક રીતે વિસ્થાપિત લોકો માટે રાહત શિબિરમાં રહે છે.
