શ્રીલંકાની જળસીમામાં 37 ભારતીય માછીમારોની ધરપકડ, તેમની બોટ જપ્ત
શ્રીલંકાની નૌકાદળે શનિવારે દરિયાઇ સરહદ પાર કરવા બદલ બે અલગ અલગ ઘટનાઓમાં 37 ભારતીય માછીમારોની ધરપકડ કરી હતી. આ વાત એવા સમયે સામે આવી છે જ્યારે તમિલનાડુના મુખ્યપ્રધાન એમકે સ્ટાલિને કેન્દ્રીય પ્રધાન એસ જયશંકરને માલદીવ તટરક્ષક દળ દ્વારા ધરપકડ કરવામાં આવેલા 12 માછીમારોને છોડવાની અપીલ કરી હતી.
એક ઘટનામાં, શ્રીલંકાની નૌકાદળની અનેક ટીમોએ થલાઇમન્નાર નજીક માછીમારી કરી રહેલા રામેશ્વરમના 23 ભારતીય માછીમારોને ઘેરી લીધા હતા.
શ્રીલંકન નૌકાદળે રવિવારે બે અલગ અલગ ઘટનાઓમાં કુલ 37 માછીમારોની ધરપકડ કરી હતી, અને તેમની પાંચ બોટ જપ્ત કરી હતી. આ મામલાથી માહિતગાર સૂત્રોના જણાવ્યા અનુસાર, શ્રીલંકાની જળસીમામાં ચીની નૌકાદળના કથિત જાસૂસી જહાજને લાંગર્યા બાદ નૌકાદળે પેટ્રોલિંગ પ્રવૃત્તિઓ પણ સઘન બનાવી દીધી હતી.
એક ઘટનામાં, શ્રીલંકાની નૌકાદળની અનેક ટીમોએ થલાઇમન્નાર નજીક માછીમારી કરી રહેલા રામેશ્વરમના 23 ભારતીય માછીમારોને ઘેરી લીધા હતા. ત્યારબાદ તેમની ધરપકડ કરવામાં આવી હતી અને થલાઇમન્નાર નેવી કેમ્પમાં લઈ જતા પહેલા તેમની ત્રણ બોટ કબજે કરવામાં આવી હતી.
અન્ય એક ઘટનામાં નેદુન્થીવુ નજીક 14 માછીમારોની ધરપકડ કરવામાં આવી હતી અને તેમની બે બોટ જપ્ત કરવામાં આવી હતી. ત્યારબાદ તેમને મયિલત્તી છાવણીમાં લઈ જવામાં આવ્યા હતા. 14 ઓક્ટોબરથી, શ્રીલંકાની નૌકાદળે અલગ અલગ ઘટનાઓમાં 64 જેટલા માછીમારોની ધરપકડ કરી છે અને 10 બોટ જપ્ત કરી છે.
ધરપકડ કરાયેલા માછીમારો માટે એમકે સ્ટાલિન
તમિલનાડુના મુખ્યમંત્રી એમકે સ્ટાલિને શનિવારે કેન્દ્રીય વિદેશ મંત્રી એસ જયશંકરને પત્ર લખીને માલદીવ તટરક્ષક દળ દ્વારા અટકાયતમાં લેવામાં આવેલા 12 માછીમારો અને તેમની ફિશિંગ બોટને મુક્ત કરાવવાની વિનંતી કરી હતી.
પત્રમાં, સ્ટાલિને ઉલ્લેખ કર્યો છે કે માછીમારોને 23 ઓક્ટોબરના રોજ થુથુકુડી જિલ્લામાંથી માછીમારી માટે રવાના થયા બાદ અટકાયતમાં લેવામાં આવ્યા હતા, અને જયશંકરને વિનંતી કરી હતી કે તેમની મુક્તિ માટે માલદીવના અધિકારીઓ સાથે આ મામલો ઉઠાવવામાં આવે.
