AAP સાંસદ સંજય સિંહે ભાજપ પર આકરા પ્રહારો કર્યા
બુલેટિન ઈન્ડિયા : આમ આદમી પાર્ટીના રાજ્યસભા સાંસદ સંજય સિંહે ગુરુવારે ફરી એકવાર ભાજપ પર પ્રહારો કર્યા છે. તેમણે કહ્યું કે ભાજપના લોકો બાબા સાહેબ દ્વારા લખાયેલા બંધારણમાં નથી માનતા પરંતુ આરએસએસ દ્વારા લખાયેલા બંધારણમાં વિશ્વાસ કરે છે. તેમણે કહ્યું કે જો આ વખતે ભાજપની સરકાર આવશે તો આ લોકો દેશનું બંધારણ બદલી નાખશે.
AAP સાંસદે કહ્યું, '2024ની લોકસભા ચૂંટણી છેલ્લી ચૂંટણી છે. આ વખતે ભૂલથી પણ નરેન્દ્ર મોદીની સરકાર આવશે તો તેઓ દેશનું બંધારણ બદલી નાખશે. આ લોકો ચૂંટણી અને અનામત ખતમ કરશે. યુવાનો, ખેડૂતો અને મહિલાઓના અધિકારો છીનવી લેશે. આનો ડર દિનપ્રતિદિન પ્રબળ બની રહ્યો છે.
તેમણે વધુમાં કહ્યું કે, વડાપ્રધાન બાબા સાહેબને પડકાર ફેંકે છે અને કહે છે કે તેઓ પોતે આવે તો પણ બંધારણ બદલી શકાય નહીં. આના પરથી સ્પષ્ટ થાય છે કે તેઓ બંધારણમાં ફેરફાર કરવાનો ઈરાદો ધરાવે છે. અમિત શાહે કહ્યું કે ભાજપ 50 વર્ષ સુધી શાસન કરશે. આરએસએસના લોકો કહે છે કે દેશમાંથી અનામત ખતમ થવી જોઈએ. ભાજપના લોકો બાબા સાહેબે લખેલા બંધારણમાં નથી માનતા પરંતુ આરએસએસ દ્વારા લખેલા બંધારણને માને છે.
