આગામી સપ્તાહે અમદાવાદમાં ગરમી માટે ઓરેન્જ અને યલો એલર્ટ : AMC
બુલેટિન ઈન્ડિયા અમદાવાદ : અમદવાદ મ્યુનિસિપલ કોર્પોરેશન (એએમસી)એ શહેરમાં આગામી સપ્તાહ સુધીમાં ઓરેન્જ એલર્ટ અને યલો એલર્ટ જાહેર કર્યું છે. આજે એએમસીના હીટ એક્શન પ્લાન બુલેટિન જાહેર કરવામાં આવ્યા મુજબ, શહેરમાં 19, 20 અને 23 મેના રોજ ઓરેન્જ એલર્ટ રહેશે. શહેરમાં 21-22 મે દરમિયાન ગરમી માટે યલો એલર્ટ રહેશે.યલો એલર્ટ દરમિયાન મહત્તમ તાપમાન 43 ડિગ્રી જેટલું ઊંચું હોઈ શકે છે.
જ્યારે ઓરેન્જ એલર્ટ દરમિયાન તે 44 ડિગ્રી સુધી જઈ શકે છે. લઘુત્તમ તાપમાન અનુક્રમે ૨૯ અને ૩૦ ડિગ્રી રહેશે.એએમસી બુલેટિનમાં વધુમાં જણાવવામાં આવ્યું છે કે 1-17 મે દરમિયાન 108 ઇમરજન્સી સેવા દ્વારા ગરમી સંબંધિત કુલ 4131 કેસ નોંધાયા હતા.એએમસી હોસ્પિટલોમાં આ જ સમયગાળામાં આવા 216 કેસ નોંધાયા હતા. એએમસીએ હીટ એલર્ટના સમયગાળા દરમિયાન નાગરિકો દ્વારા લેવામાં આવતા અનેક પગલાં પણ જાહેર કર્યા છે.
