વર્લ્ડ કપ 2023: જાણો સેમિફાઇનલ ક્વોલિફિકેશનનો સંપૂર્ણ સિનેરીયો
વર્લ્ડ કપ 2023: બેંગલુરુમાં માત્ર 23.2 ઓવરમાં 172 રનનો પીછો કરવા ઉતરેલી ન્યૂઝીલેન્ડે શ્રીલંકાને 5 વિકેટે પરાજય આપ્યા બાદ પાકિસ્તાનની સેમી ફાઇનલમાં ક્વોલિફાય થવાની સંભાવનાને મોટો ફટકો પડ્યો હતો. ન્યૂઝીલેન્ડ સેમિ ફાઈનલમાં પ્રવેશનારી ચોથી ટીમ બનશે તેમ લાગી રહ્યું છે.
ન્યૂઝીલેન્ડે ગુરુવાર, 9 નવેમ્બરના રોજ બેંગલુરુમાં તેની અંતિમ લીગ મેચમાં શ્રીલંકા સામેની શાનદાર જીત બાદ પાકિસ્તાન અને અફઘાનિસ્તાનની વર્લ્ડ કપ 2023ની સેમિફાઇનલમાં પ્રવેશવાની આશાનો અંત લાવ્યો હતો. ન્યુઝીલેન્ડે શ્રીલંકાને 5 વિકેટે હરાવ્યું હતું. બેંગલુરુના એમ ચિન્નાસ્વામી સ્ટેડિયમ ખાતે માત્ર 23.2 ઓવરમાં 172 રન કરીને તેમનો નેટ રન રેટ +0.743 સુધી પહોંચાડ્યો.
- ન્યુઝીલેન્ડે શ્રીલંકા સામેની મોટી જીત સાથે સેમિફાઇનલની નજીક પ્રવેશ કર્યો હતો
- ન્યુઝીલેન્ડની જીતથી પાકિસ્તાનની સેમિ-ફાઇનલમાં પ્રવેશવાની સંભાવનાને ફટકો પડ્યો
- કોલકાતામાં શનિવારે પાકિસ્તાનને તેની છેલ્લી લીગ રમતમાં ઇંગ્લેન્ડ સામે મોટી જીતની જરૂર છે
ન્યુઝીલેન્ડે 9 મેચમાં તેના કુલ 10 પોઇન્ટ મેળવ્યા હતા, જે અફઘાનિસ્તાન અને પાકિસ્તાન કરતા 2 વધુ છે જેમની પાસે એક રમત છે. ન્યુઝીલેન્ડ માટે શ્રીલંકા સામે આ તેમનો સતત 8મો વિજય હતો કારણ કે તેઓએ વન-ડે વર્લ્ડ કપમાં સતત ચોથી વખત સેમિ-ફાઇનલમાં પોતાનું સ્થાન નિશ્ચિત કર્યું હતું.
ભારત, ઓસ્ટ્રેલિયા અને સાઉથ આફ્રિકા અગાઉ જ વર્લ્ડ કપની સેમિ ફાઈનલમાં પોતાનું સ્થાન નિશ્ચિત કરી ચૂક્યા છે. જોકે પાકિસ્તાનને કમસેકમ પોઈન્ટ ટેબલમાં ન્યુઝીલેન્ડને જમ્પરોગ કરીને સેમિ ફાઈનલમાં પ્રવેશવાની ગાણિતિક તક તો મળી જ છે જ્યારે અફઘાનિસ્તાન માટે તકો ખુબ જ ધૂંધળી દેખાઈ રહી છે.
10 નવેમ્બર, શુક્રવારના રોજ અમદાવાદમાં અફઘાનિસ્તાન વિરુદ્ધ દક્ષિણ આફ્રિકા
11 નવેમ્બર, શનિવારે કોલકાતામાં પાકિસ્તાન વિરુદ્ધ ઇંગ્લેન્ડ
પાકિસ્તાન કેવી રીતે સેમીફાઈનલમાં ક્વોલિફાય થઈ શકે?
જો પાકિસ્તાન પ્રથમ બેટિંગ કરે અને 300નો સ્કોર કરે તો તેણે ઈંગ્લેન્ડને 13 રન સુધી સિમિત રાખવું જરુરી છે. જો તેઓ કોલકાતામાં 300થી વધુનો સ્કોર કરે તો તેમને 287 રનનું માર્જિન જાળવવાની જરુર છે.
જો પાકિસ્તાન પહેલા બોલિંગ કરે તો. તેમની તકો ખૂબ જ અસ્પષ્ટ લાગે છે. જો તેઓ ઇંગ્લેન્ડને 100 રનમાં ઓલઆઉટ કરે તો પણ, તેઓએ 2.5 ઓવરમાં કુલ સ્કોરનો પીછો કરવો પડશે, એટલે કે 283 બોલ બાકી હતા ત્યારે જીતવું પડશે.
