વિરાટ કોહલીએ ગુજરાતમાં ઘરઆંગણે તોફાની અડધી સદી ફટકારી
બુલેટિન ઈન્ડિયા : RCB ટીમના સ્ટાર બેટ્સમેન વિરાટ કોહલીએ ગુજરાત ટાઇટન્સ સામે 32 બોલમાં અડધી સદી ફટકારી હતી. પ્રથમ બેટિંગ કરતા ગુજરાતની ટીમે RCBને 201 રનનો ટાર્ગેટ આપ્યો હતો. જવાબમાં આરસીબીની ટીમે છેલ્લા બોલે લક્ષ્યાંક હાંસલ કર્યો હતો અને 9 વિકેટે જીત મેળવી હતી. વિરાટ કોહલી અને વિલ જેક્સે RCB ટીમ માટે અજાયબી કરી બતાવી.
IPL 2024માં વિરાટ કોહલીના માથા પર ઓરેન્જ કેપ છે. તેણે અત્યાર સુધીમાં ચાર અડધી સદી અને એક સદી ફટકારી છે, પરંતુ તેની સ્ટ્રાઈક રેટને લઈને ઘણી ચર્ચા થઈ રહી છે. આ સિઝનમાં કોહલીએ 145ના સ્ટ્રાઈક રેટથી બેટિંગ કરી, જેને ઘણા નિષ્ણાતો ટી20 માટે ધીમી ગણાવી રહ્યા છે.
દરમિયાન, IPL 2024ની 45મી મેચમાં RCBના સ્ટાર બેટ્સમેન વિરાટ કોહલીએ 32 બોલનો સામનો કરીને શાનદાર અડધી સદી ફટકારી હતી. નરેન્દ્ર મોદી સ્ટેડિયમમાં કિંગ કોહલીની ફિફ્ટી બાદ સ્ટેન્ડમાં બેઠેલા દર્શકોના આનંદની કોઈ સીમા નહોતી. ગુજરાતમાં ઘરઆંગણે, કોહલીએ ચોગ્ગા અને છગ્ગા ફટકારીને ગુજરાત ટાઇટન્સના બોલરોને પછાડ્યા હતા.
