તુર્કીએ મંજુર કર્યુ સ્વીડનનું નાટોનું સભ્યપદ, રશિયાના યુક્રેન પર હુમલા બાદથી સ્વીડને કરી હતી અરજી
તુર્કીએ સ્વીડનનું નાટો સભ્યપદ મંજૂર કર્યુ છે.. તુર્કી સંસદે મંગળવારે નાટો સભ્યપદ માટેની સ્વીડનની માંગને મંજૂરી આપી છે. તુર્કીની જનરલ એસેમ્બલીએ સ્વીડનની નાટો સભ્યપદની બિડને 55 ની સામે 287 મતોથી મંજૂર કરી હતી, જેમાં ચાર સદસ્ય ગેરહાજર હતા. સ્વીડને વર્ષ 2022માં નાટોનું સભ્યપદ મેળવવા માટે અરજી કરી હતી. રશિયાએ યુક્રેન પર હુમલો કર્યા બાદ તેણે આ નિર્ણય લીધો હતો.
તુર્કીની સંસદમાં રાષ્ટ્રપતિ તૈયપ એર્દોગનના શાસક ગઠબંધન પાસે બહુમતી છે. તેમણે જ અરજી મંજૂર કરવા માટે મત આપ્યો હતો. મતદાન પછી, એવી અપેક્ષા છે કે રાષ્ટ્રપતિ રેસેપ તૈયપ એર્દોગન આગામી દિવસોમાં આ બિલ પર હસ્તાક્ષર કરશે. જેના કારણે 20 મહિનાના લાંબા વિલંબનો અંત આવશે. જો કે, તુર્કીના નિર્ણયથી પશ્ચિમના કેટલાક સહયોગીઓ નિરાશ થયા છે.
-- મતદાન પહેલા ચાર કલાકની ચર્ચા :- સ્વીડનની તરફેણમાં મતદાન કરતા પહેલા તુર્કીની સંસદમાં ચાર કલાકથી વધુની ચર્ચા ચાલી હતી. આ દરમિયાન તુર્કી સંસદના ફોરેન અફેર્સ કમિશનના વડા અને સત્તાધારી એકે પાર્ટીના સભ્ય ફુઆત ઓકટેએ નિવેદન આપ્યું હતું. તેમણે કહ્યું કે અમે નાટોના વિસ્તરણને સમર્થન આપીએ છીએ જેથી ગઠબંધનના ડિટરન્સ પ્રયાસોને સુધારવામાં આવે. અમે આશા રાખીએ છીએ કે આતંકવાદ સામે લડવા માટે ફિનલેન્ડ અને સ્વીડનનો અભિગમ અમારા અન્ય સહયોગીઓ માટે ઉદાહરણ તરીકે કામ કરશે. આ પછી, સ્વીડનની નાટો સભ્યપદ બિડને મંજૂરી આપવામાં આવી.સ્વીડનના વડા પ્રધાન ઉલ્ફ ક્રિસ્ટરસને મતદાન પછી કહ્યું કે સ્ટોકહોમ ગઠબંધનમાં જોડાવા માટે "એક પગલું નજીક" છે. તુર્કીએ અગાઉ ગયા વર્ષે એપ્રિલમાં ફિનલેન્ડની સદસ્યતાને સમર્થન આપ્યું હતું, પરંતુ હંગેરી સાથે સ્વીડનને વેઇટિંગ લિસ્ટમાં રાખ્યું હતું.
-- ફિનલેન્ડ નાટોનો 31મો સભ્ય :- ફિનલેન્ડ ગયા એપ્રિલમાં આ જોડાણનું 31મું સભ્ય બન્યું હતું. તેની સદસ્યતાએ રશિયા સાથેની નાટોની સરહદની લંબાઈ લગભગ બમણી કરી અને સોવિયેત યુનિયનના પતન પછી બ્લોકમાં જોડાયેલા ત્રણ નાના બાલ્ટિક દેશોની સુરક્ષાને નોંધપાત્ર રીતે મજબૂત કરી.
