ચંદ્રયાન-3ની સફળતાને જોતા TECNO કંપનીએ લોન્ચ કર્યો એકદમ યુનિક અને આકર્ષક સ્માર્ટફોન
SUMMARY - Tecno મોબાઈલ કંપની પોતાના યુનિક અને સસ્તા પણ ફીચર્સથી ભરપુર ફોન માટે જાણીતી કંપની છે. ત્યારે ફરી એકવાર કંપની એક યુનિક અને આકર્ષક દેખાતો ફોન લાવી છે. ચંદ્રયાન-3ની સફળતાના બાદ Tecno કંપનીએ એક નવો સ્માર્ટફોન લોન્ચ કર્યો છે, જે એક સ્પેશિયલ એડિશન છે. આમાં તમને ડ્યુઅલ કલર ટોન સિલિકોન લેધર ફિનિશ મળે છે. કંપનીએ સ્પેસિફિકેશનના સંદર્ભમાં કોઈ ફેરફાર કર્યો નથી. એટલે કે તમને જૂના Tecno Spark 10 Pro જેવી જ સુવિધાઓ મળશે. ચાલો જાણીએ તેની વિગતો.
Tecnoએ આ વર્ષની શરૂઆતમાં Tecno Spark 10 Pro લોન્ચ કર્યો હતો. આ એક લો બજેટ સ્માર્ટફોન છે, જે 12,000 રૂપિયામાં મળે છે. હવે કંપનીએ તેનું નવું એડિશન લોન્ચ કર્યું છે, જે ચંદ્રયાન-3ની સફળતાની વાર્તા કહે છે. કંપનીએ Tecno Spark 10 Pro મૂન એક્સપ્લોરર એડિશન લોન્ચ કર્યો છે. ચંદ્રયાન-3ના સફળ લેન્ડિંગની ઉજવણી કરતા કંપનીએ શાનદાર દેખાતો ફોન લોન્ચ કર્યો છે. જ્યાં કંપની દ્વારા ગ્લાસ બેક પેનલ સાથે સ્ટાન્ડર્ડ વેરિઅન્ટ લોન્ચ કરવામાં આવ્યું હતું. તે જ સમયે, નવી ડિઝાઈન ડ્યુઅલ ટોન લેધર ફિનિશમાં આવે છે. ચાલો જાણીએ તેની ખાસ વાતો...
કંપનીએ આ ફોનને માત્ર એક જ કોન્ફિગરેશનમાં લોન્ચ કર્યો છે. આ સ્માર્ટફોન 8GB RAM + 128GB સ્ટોરેજમાં આવે છે, જેની કિંમત 11,999 રૂપિયા છે. આ ફોનનું પ્રિ-બુકિંગ શરૂ થઈ ચુક્યું છે. જો કે કંપની આ ફોનનું વેચાણ 15 સપ્ટેમ્બરથી શરૂ કરશે. કંપની આ ફોનને માત્ર ઑફલાઇન માર્કેટમાં જ વેચશે. તેથી જો તમે આ ફોન ફ્લિપકાર્ટ અથવા એમેઝોન પર લિસ્ટેડ જુઓ છો, તો સાવચેત રહો.
Tecno Spark 10 Pro Moon Explorerના ફીચર્સમાં કોઈ ફેરફાર કરવામાં આવ્યો નથી. ફોનને નવી આકર્ષક ડિઝાઈન આપવામાં આવી છે. જેમાં ડ્યુઅલ ટોન ફિનિશ સાથે સિલિકોન આધારિત લેધર બેક છે. આમાં બ્લેક એન્ડ વ્હાઈટ કલરનું કોમ્બિનેશન વાપરવામાં આવ્યું છે. કંપનીનું કહેવું છે કે આ ફોન ચંદ્રયાન-3ની સફળતાને ધ્યાનમાં રાખીને લોન્ચ કરવામાં આવ્યો છે. ડિઝાઈન સિવાય તમને ફોનમાં કંઈપણ નવું નથી મળતું. તેમાં 6.78-ઈંચની LCD ડિસ્પ્લે છે, જે પંચ હોલ ડિસ્પ્લે સાથે આવે છે. સ્ક્રીન 90Hz રિફ્રેશ રેટને સપોર્ટ કરે છે.
આ સ્માર્ટફોન Mediatek Helio G88 પ્રોસેસર પર કામ કરે છે. તેમાં 8GB રેમ + 128GB સ્ટોરેજ મળશે. તમે માઇક્રો એસડી કાર્ડની મદદથી સ્ટોરેજને વધારી શકો છો. આ સ્માર્ટફોન ડ્યુઅલ રિયર કેમેરા સેટઅપ સાથે આવે છે. તેમાં 50MP પ્રાઈમરી લેન્સ અને AI લેન્સ છે. કંપનીએ ફ્રન્ટમાં 32MP સેલ્ફી કેમેરો આપ્યો છે. મોબાઈલના પાવર કરવા માટે, 5000mAh બેટરી આપવામાં આવી છે, જે 18W ચાર્જિંગને સપોર્ટ કરે છે. તેમાં ટાઇપ-સી ચાર્જિંગ પોર્ટ મળશે. જોકે, આ ફોનને મેજિક સ્કિન એડિશન તરીકે ગ્લોબલ માર્કેટમાં લોન્ચ કરવામાં આવ્યો છે.
