અસમમાં મંદિરમાં જતા અટકાવાયેલા રાહુલ ગાંધીનો રોષ, કહ્યું આજે ફક્ત એક જ વ્યકિત મંદિર જઇ શકે છે
-- ભારત જોડો ન્યાય યાત્રા અંતર્ગત રાહુલ ગાંધી આસામમાં છે. સોમવારે મીડિયા સાથે વાત કરતા તેમણે આરોપ લગાવ્યો કે આજે તેમને મંદિર જવાથી રોકવામાં આવી રહ્યા છે. રાહુલ ગાંધીએ કહ્યું કે પહેલા તેમને મંદિર જવાની પરવાનગી આપવામાં આવી હતી, પરંતુ આજે તેમને ના પાડવામાં આવી રહી છે :
-- રાહુલ ગાંધીએ આરોપ લગાવ્યો કે તેમને રોકવામાં આવી રહ્યા છે :- રાહુલ ગાંધીના નેતૃત્વમાં ભારત જોડો ન્યાય યાત્રા કાઢવામાં આવી રહી છે અને આ યાત્રા આસામના નાગાંવ જિલ્લામાં પહોંચી હતી. અહીં બટાદરવા થાન વિસ્તારમાં વૈષ્ણવ સંત શ્રીમંત સાંકરદેવનું જન્મસ્થળ છે. રાહુલ ગાંધી આજે કાર્યક્રમ મુજબ શંકરદેવ મંદિર જવાના હતા, પરંતુ હવે મીડિયા સાથે વાત કરતા રાહુલ ગાંધીએ આરોપ લગાવ્યો છે કે 'તેમને આજે મંદિરમાં જતા રોકવામાં આવી રહ્યા છે. રાહુલ ગાંધીએ કહ્યું કે અમે મંદિર જવા માંગીએ છીએ. મેં એવો કયો ગુનો કર્યો છે કે હું મંદિરમાં જઈ શકતો નથી?'
-- મંદિરની પ્રબંધન સમિતિએ કહ્યું 3 વાગ્યા પછી આવવા માટે કહ્યું હતું :- મંદિરની મેનેજિંગ કમિટીના વડા જોગેન્દ્ર દેવ મહંતે કહ્યું કે 'રામ મંદિરના પ્રાણ પ્રતિષ્ઠા કાર્યક્રમના અવસર પર ઘણી સંસ્થાઓએ મંદિર પરિસરમાં ભક્તિ કાર્યક્રમોનું આયોજન કરવાની યોજના બનાવી હતી.આ પ્રસંગે મોટી સંખ્યામાં લોકો મંદિરમાં આવે તે વાતની જાણકારી હતી.., તેથી રાહુલ ગાંધીને બપોરે 3 વાગ્યા પછી મંદિરમાં આવવા માટે કહેવામાં આવ્યું હતુ.
-- આજે ફક્ત એક જ વ્યક્તિ મંદિર જઈ શકે છે : રાહુલ ગાંધી :- મીડિયા સાથે વાત કરતા રાહુલ ગાંધીએ કહ્યું કે 'આજે માત્ર એક જ વ્યક્તિ મંદિર જઈ શકે છે.
-- રાજ્ય સરકારના દબાણ હેઠળ આ થઈ રહ્યું છેઃ જયરામ રમેશ :- કોંગ્રેસના નેતા જયરામ રમેશે કહ્યું કે, 'રાહુલ ગાંધી બટાદરવા મંદિર જવા માંગતા હતા.અમે 11 જાન્યુઆરીથી આ માટે પ્રયાસ કરી રહ્યા છીએ. અમારા બે ધારાસભ્યો પણ મંદિર સમિતિને મળ્યા હતા. અમે તેમને કહ્યું હતું કે અમે 22 જાન્યુઆરીએ સવારે 7 વાગ્યે આવીશું, પરંતુ ગઈકાલે અમને અચાનક બપોરે 3 વાગ્યા પછી આવવાનું કહેવામાં આવ્યું. રાજ્ય સરકારના દબાણ હેઠળ આ થઈ રહ્યું છે. અમે મંદિર જવાનો પ્રયત્ન કરીશું, પરંતુ 3 વાગ્યા પછી તે મુશ્કેલ બનશે કારણ કે અમારે વધુ અંતર કાપવાનું છે.
Comment / Reply From
You May Also Like
Popular Posts
Newsletter
Subscribe to our mailing list to get the new updates!