NEWS UPDATE :વડાપ્રધાન નરેન્દ્ર મોદી આજે છત્તીસગઢના બસ્તરમાં એક રેલીને સંબોધિત કરીને છત્તીસગઢમાં ભારતીય જનતા પાર્ટી (BJP) માટે લોકસભા ચૂંટણી પ્રચારની શરૂઆત કરવાના છે. છત્તીસગઢના વન મંત્રી કેદાર કશ્યપે કહ્યું કે, વડાપ્રધાન વિજય સંકલ્પ બસ્તરમાં આયોજિત શંખનાદ રેલીનું ઉદ્ઘાટન કરશે.

વન મંત્રીએ કહ્યું કે વડાપ્રધાનની વિજય સંકલ્પ શંખનાદ મહારેલી આપણી બસ્તરની ધરતીથી શરૂ થઈ રહી છે. તેઓ બસ્તર લોકસભા ક્ષેત્રના ભાનપુરીના અમાબલ ગામમાં રેલીને સંબોધિત કરશે. છત્તીસગઢમાં ભારતીય જનતા પાર્ટી 11માંથી 11 સીટો જીતશે. ભાજપે પહેલેથી જ 400નો ટાર્ગેટ નક્કી કર્યો છે અને તે લક્ષ્યને હાંસલ કરશે. વડાપ્રધાન નરેન્દ્ર મોદી છત્તીસગઢના મુખ્યમંત્રી વિશુ દેવ સાંઈ સાથે આવશે.

વડા પ્રધાન બસ્તર લોકસભા મતવિસ્તારમાં ભાનપુરીના અમાબલ ગામમાં એક રેલીને સંબોધિત કરશે, જ્યાં 19 એપ્રિલે મતદાન થશે. છત્તીસગઢની 11 સંસદીય મતવિસ્તારોમાં ત્રણ તબક્કામાં 19 એપ્રિલ, 26 એપ્રિલ અને 7 મેના રોજ ચૂંટણી યોજાશે. 4 જૂને મતગણતરી થશે.

છત્તીસગઢમાં મજબૂત પકડ ધરાવતા ભાજપે 2019ની લોકસભામાં 9 બેઠકો જીતી હતી, જ્યારે ભારતીય રાષ્ટ્રીય કોંગ્રેસ (INC) માત્ર 2 બેઠકો સુધી મર્યાદિત હતી. 2014ની ચૂંટણીમાં ભારતીય જનતા પાર્ટી (BJP)એ 10 બેઠકો જીતી હતી, જ્યારે કોંગ્રેસ માત્ર એક બેઠક જીતવામાં સફળ રહી હતી.