બોગસ પાસપોર્ટ સાથે મુસાફરી કરવા બદલ SVPI એરપોર્ટ પર એકની ધરપકડ
બુલેટિન ઈન્ડિયા અમદાવાદ : શહેરના સરદાર વલ્લભભાઈ પટેલ ઈન્ટરનેશનલ (એસવીપીઆઈ) એરપોર્ટ પરથી આજે એરપોર્ટ પોલીસે એક મુસાફરની બોગસ પાસપોર્ટ સાથે મુસાફરી કરવા બદલ ધરપકડ કરી હતી.અમેરિકામાં ગેરકાયદે રહેતા નરહરિ પટેલ નામનો વ્યક્તિ કતાર એરવેઝની ફ્લાઇટથી અમદાવાદ પરત ફરી રહ્યો હતો.આરોપી મોહમ્મદ વસીદ ગોરીના નામે બોગસ પાસપોર્ટ પર મુસાફરી કરી રહ્યો હતો.
પાસપોર્ટમાં વિસંગતતા જણાતા એરપોર્ટના સત્તાધીશોએ એરપોર્ટ પોલીસ સ્ટેશનમાં ફરિયાદ નોંધાવી હતી અને મુસાફરને પોલીસને હવાલે કર્યો હતો.એરપોર્ટ પોલીસ સ્ટેશનમાં નોંધાયેલી એફઆઈઆર અનુસાર,વ્યક્તિ પર આઈપીસીની કલમ 465, 467, 468, 471 અને પાસપોર્ટ એક્ટની કલમ 12 હેઠળ કેસ નોંધવામાં આવ્યો છે.
આરોપી રાજ્યના પાટનગર ગાંધીનગરના કલોલ તાલુકાનો રહેવાસી છે.એફઆઈઆરમાં જણાવાયું છે કે 12 ફેબ્રુઆરી, 2024 ના રોજ.એક મુસાફર, એટલે કે નરહરિકુમાર વિષ્ણુભાઈ પટેલ, જે કતાર એરવેઝની ફ્લાઇટ નં. QR-534,ફરિયાદી નિલેશ સલોખે દ્વારા સંચાલિત કાઉન્ટર પર આગમન ઇમિગ્રેશન ક્લિયરન્સ માટે સંપર્ક કર્યો હતો.
વેરિફિકેશન પ્રક્રિયા દરમિયાન પાસપોર્ટની વિગતોમાં જાણવા મળ્યું હતું કે, પ્રસ્તુત પાસપોર્ટ રાજસ્થાનના મોહમ્મદ વાસિદ ગોરીને આપવામાં આવ્યો હતો. આથી, પ્રથમ દૃષ્ટિએ, એવું અનુમાન કરી શકાય છે કે આરોપીએ છેતરપિંડીથી મેળવેલ ભારતીય પાસપોર્ટ રજૂ કર્યો છે.પોલીસે આરોપીની ધરપકડ કરી વધુ તપાસ હાથ ધરી છે.
