Madhya Pradesh: ખજુરાહો-ઉદેપુર રૂટ પર ગ્વાલિયર નજીક ટ્રેન એન્જિનમાં આગ
મધ્ય પ્રદેશ: ગ્વાલિયર નજીક ખજુરાહો-ઉદેપુર ટ્રેનના એન્જિનમાં આગ લાગી
એન્જિનમાંથી ધુમાડો નીકળતો જોવા મળ્યા બાદ ટ્રેનને સિથોલી રેલવે સ્ટેશન પર રોકી દેવામાં આવી હતી. હજી સુધી કોઈ ઈજાના અહેવાલ નથી.
શનિવારે મધ્યપ્રદેશના ગ્વાલિયર નજીક ખજુરાહો ઉદેપુર ઇન્ટરસિટી ટ્રેનના એન્જિનમાં આગ લાગી હતી. એન્જિનમાંથી ધુમાડો નીકળતો જોવા મળ્યા બાદ ટ્રેનને સિથોલી રેલવે સ્ટેશન પર રોકી દેવામાં આવી હતી. હજી સુધી કોઈ ઈજાના અહેવાલ નથી.
ટ્રેન ગ્વાલિયરથી રવાના થઈ હતી અને સિથૌલી સ્ટેશન તરફ આવી રહી હતી તેના થોડીવાર પછી જ આ ઘટના બની હતી.
બે ફાયર એન્જિન અને રેલવે પ્રોટેક્શન ફોર્સ (આરપીએફ)ના જવાનો ઘટના સ્થળે દોડી આવ્યા હતા.
સિથોલી નજીક 19666 ઉદયપુર - ખજુરાહો એક્સપ્રેસ નંબરની ટ્રેનના એન્જિનમાં ધુમાડો જોવા મળ્યો હતો. તરત જ ટ્રેનને રોકવામાં આવી અને ઓએચઈ (ઓવર હેડ ઇક્વિપમેન્ટ-કેન્ટિલેવર) બંધ કરી દેવામાં આવી. ધુમાડા પર કાબૂ મેળવી લેવામાં આવ્યો છે. ટૂંક સમયમાં જ ટ્રેનને અન્ય એન્જિન લગાવીને ગંતવ્ય તરફ મોકલવામાં આવશે. આ ઘટનાના કારણોની તપાસ કરવામાં આવી રહી છે, એમ એનસીઆરના હિમાંશુ શેખર ઉપાધ્યાય સીપીઆરઓએ જણાવ્યું હતું.
કેટલાક મુસાફરોએ દાવો કર્યો હતો કે આગ લાગ્યા બાદ ટ્રેનને બે કલાકથી વધુ સમય માટે રોકવામાં આવી હતી.
