ગગનયાન મિશન: પ્રથમ ટેસ્ટ ફ્લાઈટ જોવા માટે રજીસ્ટ્રેશન કરાવવું પડશે, ISROએ લિંક શેર કરી
ગગનયાન મિશનની તડામાર તૈયારીઓ કરવામાં આવી રહી છે. ઈન્ડિયન સ્પેસ રિસર્ચ ઓર્ગેનાઈઝેશન (ISRO)એ કહ્યું કે તે ગગનયાન મિશન હેઠળ 21 ઓક્ટોબરે ટેસ્ટ ફ્લાઈટ લોન્ચ કરશે. ક્રૂ એસ્કેપ સિસ્ટમની ઈનફ્લાઇટ એબોર્ટ ટેસ્ટ વ્હીકલ એબોર્ટ મિશન-1 (ટીવી-ડી1) સાથે હાથ ધરવામાં આવશે.
ISROએ સોશિયલ મીડિયા પ્લેટફોર્મ પર પોસ્ટ કરીને લખ્યું, "TV-D1 ફ્લાઇટ ટેસ્ટ: ટેસ્ટ SDSC-SHAR, શ્રીહરિકોટાના પહેલા લોન્ચ પેડથી 21 ઓક્ટોબર, 2023ના રોજ સવારે 8.00 કલાકે શરૂ કરવામાં આવશે. તે ટૂંકા ગાળાનું મિશન હશે અને લોંચ વ્યૂ ગેલેરી (LVG). વિદ્યાર્થીઓ અને લોકો SDSC-SHAR, શ્રીહરિકોટા ખાતે LVGથી https://lvg.shar.gov.in/VSCREGISTRATION/index.jsp પર નોંધણી કરીને લોન્ચ જોઈ શકે છે. નોંધણીનો પ્રારંભ આજથી થાય છે. નવીનતમ અપડેટ્સ પણ તે લિંકમાં પ્રદાન કરવામાં આવશે."
ISRO મુજબ, જનતા આ પ્રક્ષેપણને શ્રીહરિકોટાથી જોઈ શકે છે. આ માટે તેઓએ ઓનલાઈન રજીસ્ટ્રેશન કરાવવાનું રહેશે. ઈસરોએ જણાવ્યું છે કે આ માટે, લોકો 17મી ઓક્ટોબરે સાંજે 6 વાગ્યાથી https://lvg.shar.gov.in/VSCREGISTRATION/index.jsp લિંક પર જઈને પોતાનું રજીસ્ટ્રેશન કરાવી શકે છે.
અગાઉ, ઈસરોના પ્રમુખે કહ્યું હતું કે, "પ્રથમ પરીક્ષણ ઉડાન પછી, અમે વધુ 3 પરીક્ષણ મિશન D2, D3, D4નું આયોજન કર્યું છે. તેનો ઉદ્દેશ્ય ગગનયાન મિશન દરમિયાન અવકાશયાત્રીઓની સુરક્ષા સુનિશ્ચિત કરવાનો છે. પરીક્ષણ દરમિયાન મોડ્યુલને અવકાશમાં લઈ જવામાં આવશે.આ સાથે તેને પૃથ્વી પર પરત લાવવામાં આવશે અને બંગાળની ખાડીમાં લેન્ડ કરવામાં આવશે.ગગનયાન મિશન અંતર્ગત ત્રણ અવકાશયાત્રીઓના ક્રૂને 400 કિમીની ભ્રમણકક્ષામાં લઈ જવામાં આવશે.
Comment / Reply From
You May Also Like
Popular Posts
Newsletter
Subscribe to our mailing list to get the new updates!