રાજસ્થાન કેબિનેટ ખાતાની ફાળવણી: મુખ્યમંત્રી પાસે 8 મુખ્ય મંત્રાલયો, જાણો કોના જોડે કયો મંત્રાલય?
રાજસ્થાનમાં નવનિયુક્ત પ્રધાનોને ખાતાની ફાળવણી કરવામાં આવી હતી, જેમાં મુખ્ય પ્રધાન ભજનલાલ શર્માએ ગૃહ અને એક્સાઇઝ સહિત આઠ વિભાગો રાખ્યા.
રાજસ્થાનના મુખ્ય પ્રધાન ભજનલાલ શર્માએ શુક્રવારે તેમના નવા રચાયેલા મંત્રીમંડળમાં મંત્રીઓને વિભાગો સોંપ્યા હતા. ભજનલાલે ગૃહ, એક્સાઇઝ અને ભ્રષ્ટાચાર વિરોધી બ્યુરો સહિત આઠ વિભાગો રાખ્યા હતા.
મુખ્ય નાણાં ખાતું નાયબ મુખ્યમંત્રી દીયા કુમારીને ફાળવવામાં આવ્યું હતું, જેમની પાસે પર્યટન, કલા અને સંસ્કૃતિ, જાહેર બાંધકામ વિભાગ અને મહિલા અને બાળ વિકાસ સહિત અન્ય પાંચ વિભાગોની પણ જવાબદારી રહેશે.
પ્રેમચંદ બૈરવા, જેઓ નાયબ મુખ્ય પ્રધાન પણ છે, તેમને તકનીકી શિક્ષણ, ઉચ્ચ શિક્ષણ અને પરિવહન ફાળવવામાં આવ્યા છે.
અન્ય કેબિનેટ મંત્રીઓમાં કિરોડીલાલ મીણાએ કૃષિ અને ગ્રામીણ વિકાસ વિભાગ, ગજેન્દ્રસિંહ ખીમસરને તબીબી અને આરોગ્ય, રાજ્યવર્ધન રાઠોડને ઉદ્યોગો, આઇટી અને સંદેશાવ્યવહાર અને મદન દિલાવર શાળાનું શિક્ષણ ફાળવવામાં આવ્યું હતું.
આ અગાઉ રાજસ્થાનના રાજ્યપાલ કલરાજ મીશાએ તાજેતરમાં જ મુખ્યમંત્રી ભજનલાલ શર્માના મંત્રાલયમાં સામેલ થયેલા મંત્રીઓના ખાતાની યાદીને મંજૂરી આપી હતી.
ગત સપ્તાહે જયપુરના રાજભવનમાં રાજ્યપાલ કલરાજ મિશ્રની હાજરીમાં 12 કેબિનેટ મંત્રીઓ સહિત 22 મંત્રીઓએ શપથ લીધા હતા. 22માંથી 17 પ્રથમ વખત મંત્રી બન્યા હતા.
ભજનલાલ શર્માએ 15 ડિસેમ્બર, 2023 ના રોજ દીયા કુમારી અને પ્રેમચંદ બૈરવાને તેમના ડેપ્યુટી તરીકે રાખીને રાજસ્થાનના મુખ્ય પ્રધાન તરીકે શપથ લીધા હતા.
