I.N.D.I.A ગઠબંધનમાં બધુ ઠીક નથી, નીતિશ કુમાર અને લાલુ યાદવ વચ્ચે મનદુઃખ
પટણાઃ દેશમાં ચાલુ વર્ષે લોકસભાની ચૂંટણી યોજાવાની છે જેને લઈને ભાજપા અને કોંગ્રેસ સહિતના રાજકીય પક્ષોએ તૈયારીઓ શરુ કરી દીધી છે. ભાજપાને સત્તાથી દુર રાખવા માટે કોંગ્રેસની આગેવાનીમાં વિપક્ષી દળો એક છત હેઠળ એકઠા થયાં છે. તેમજ I.N.D.I.Aનામથી એક ગઠબંધન કરવામાં આવ્યું છે. જો કે, આ ગઠબંધનમાં બેઠકોની વહેંચીને લઈને છેલ્લા કેટલાક સમયથી ખેંચતાણ ચાલી રહી છે એટલું જ નહીં સંગઠનના નેતાઓ એક બીજા ઉપર કટાક્ષ પણ કરી રહ્યાં છે.દરમિયાન આરજેડીના સુપ્રીમો લાલુ પ્રસાદ યાદવે કહ્યું હતું કે, બેઠકોની વહેંચીને લઈને તમામ પક્ષો વચ્ચે વાતચીત ચાલી રહી છે અને આગામી દિવસોમાં નિર્ણય લેવામાં આવશે.
જ્યારે બિહારમાં લાલુ યાદવ અને નીતિશ કુમાર વચ્ચે પણ હાલ મનદુઃખ ચાલી રહ્યાનું ચર્ચાય રહ્યું છે.લોકસભા ચૂંટણીમાં સીટ શેરિંગના સવાલ પર લાલુ પ્રસાદે કહ્યું કે શું સીટ શેરિંગ આટલી જલ્દી થાય છે? બધું જ થઈ રહ્યું છે. તમામ પક્ષો વચ્ચે વાતચીત ચાલી રહી છે. ટૂંક સમયમાં બધું જ કરવામાં આવશે. અહીં, લાલુ પ્રસાદે મુખ્યમંત્રી નીતિશ કુમારથી તેમની નારાજગી અને મકરસંક્રાંતિ પર તેમને રસી ન આપવાના પ્રશ્ન પર મૌન સેવ્યું. આ મામલે તેણે સ્પષ્ટ કંઈ કહ્યું ન હતું.
-- લાલુ નહીં જાય અયોધ્યા :- અયોધ્યામાં 22મી જાન્યુઆરીના રોજ યોજાનાર પ્રાણ પ્રતિષ્ઠા મહોત્સવને લઈને તડામાર તૈયારીઓ ચાલી રહી છે. દરમિયાન કોંગ્રેસ દ્વારા આ મહોત્સવમાં ઉપસ્થિત નહીં રહેવાનો નિર્ણય લેવામાં આવ્યો છે. જ્યારે બિહારમાં રામ મંદિરના અભિષેક સમારોહમાં જવું કે નહીં તે અંગે રાજકીય ખેંચતાણ ચાલુ છે. આ દરમિયાન રાષ્ટ્રીય જનતા દળના સુપ્રીમો અને પૂર્વ મુખ્યમંત્રી લાલુ પ્રસાદ યાદવે સ્પષ્ટ કહ્યું છે કે તેઓ અયોધ્યા નહીં જાય.
અત્રે ઉલ્લેખનીય છે કે, હાલ બિહારમાં નીતિશ કુમારની જનતાદળ અને લાલુ યાદવના આરજેડીની ગઠબંધનની સરકાર છે. આ સરકારમાં હાલ નીતિશ કુમાર મુખ્યમંત્રી છે જ્યારે લાલુ યાદવનો દીકરો તેજપ્રતાપ યાદવ નાયબ મુખ્યમંત્રી છે. જો કે, લાલુ યાદવ પોતાના દીકરા તેજપ્રતાપને બિહારના સીએમ બનાવવા માંગે છે.
