દેશની સૌથી મોટી વીમા કંપની ભારતીય જીવન વીમા નિગમ (એલઆઈસી)એ માર્ચ ક્વાર્ટરના પરિણામો જાહેર કરી દીધા છે. ચોથા ક્વાર્ટરમાં એલઆઈસીનો નફો 466 ટકા વધીને 13,428 કરોડ રૂપિયા થઈ ગયો છે, જે એક વર્ષ પહેલાના સમાન ક્વાર્ટરમાં 2371 કરોડ રૂપિયા હતો. સારા પરિણામ બાદ વીમા કંપનીએ રોકાણકારોને ખુશ કર્યા. કંપનીએ શેર દીઠ રૂ.3ના ડિવિડન્ડની જાહેરાત કરી છે.

માર્ચ ક્વાર્ટર દરમિયાન વીમા કંપનીની ચોખ્ખી પ્રીમિયમ આવક 0.12 ટકા ઘટીને રૂ.1.32 લાખ કરોડ થઈ છે.  જે એક વર્ષ પહેલાના સમાન ત્રિમાસિક ગાળામાં રૂ.1.44 લાખ કરોડ હતી. માર્ચ ક્વાર્ટરમાં એલઆઈસીનો સોલ્વન્સી રેશિયો 0.02 ટકા વધીને1.89  ટકા થયો છે. જે એક વર્ષ પહેલાના સમાન ત્રિમાસિક ગાળામાં 1.85 ટકા હતો.

શેર દીઠ રૂ.3નું ડિવિડન્ડ જાહેર

રેગ્યુલેટરી ફાઇલિંગ અનુસાર, એલઆઇસીએ 31 માર્ચ, 2023 ના રોજ પૂરા થયેલા નાણાકીય વર્ષ માટે ઇક્વિટી શેર દીઠ રૂ. 10 ની ફેસ વેલ્યુ પર ઇક્વિટી શેર દીઠ રૂ. 3 ના અંતિમ ડિવિડન્ડની ભલામણ કરી છે.

આ ઉપરાંત, એલઆઈસીએ ડિવિડન્ડ ચુકવણી માટેની પાત્રતા નક્કી કરવા માટે 21 જુલાઈ, 2023 ના રોજ રેકોર્ડ તારીખ નક્કી કરી હતી. ડિવિડન્ડ એજીએમમાં શેરહોલ્ડરો દ્વારા ઘોષણાને આધિન છે.

એલઆઈસીની વાર્ષિક સામાન્ય સભા (એજીએમ) 22 ઓગસ્ટ, 2023 ના રોજ યોજાશે. આ એજીએમમાં મંજૂરી મળ્યા બાદ એલઆઇસી નાણાકીય વર્ષ 23 માટે ફાઇનલ ડિવિડન્ડ ચૂકવશે. ગત વર્ષે ઓગસ્ટમાં એલઆઇસીએ 1.50 રૂપિયા પ્રતિ શેર ડિવિડન્ડની જાહેરાત કરી હતી.