‘ન્યાયતંત્ર અહીં વિપક્ષની ભૂમિકા નિભાવવા માટે નથી’: ભૂતપૂર્વ ચીફ જસ્ટિસ ડીવાય ચંદ્રચુડ
akshay 
પાકિસ્તાનનો પંજાબ પ્રાંત આ દિવસોમાં વાયુ પ્રદૂષણથી પીડિત છે. સતત વધી રહેલા એર ક્વોલિટી ઇન્ડેક્સ (AQI) ને ધ્યાનમાં રાખીને, પંજાબ સરકારે લાહોર અને મુલતાન જેવા ધુમ્મસથી પ્રભાવિત શહેરોમાં આરોગ્ય કટોકટી લાદી છે. પ્રદૂષણને પહોંચી વળવા અન્ય ઘણા મોટા નિર્ણયો લેવામાં આવ્યા છે.
પંજાબ સરકારમાં વરિષ્ઠ મંત્રી મરિયમ ઔરંગઝેબે શુક્રવારે લાહોરમાં આ સમસ્યા અંગે મીડિયા સાથે વાત કરી હતી. તેમણે કહ્યું કે સ્મોગનો મુદ્દો સ્વાસ્થ્ય સંકટમાં ફેરવાઈ ગયો છે. આનો સામનો કરવા માટે ઘણા કડક પગલાં ભરવા જરૂરી છે.
તેમણે પાકિસ્તાનમાં પંજાબ પ્રાંતની સરકારની 10 વર્ષની ક્લાઈમેટ ચેન્જ પોલિસીની પણ જાહેરાત કરી હતી. જેમાં પૂર, કુદરતી આફતો, પુનર્વસન જેવા મુદ્દાઓનો સમાવેશ થાય છે.
અહીં AQI બે વખત 2 હજારથી ઉપર ગયો છે
પાકિસ્તાની ટીવી ચેનલ જિયો ન્યૂઝના રિપોર્ટ અનુસાર પંજાબની રાજધાની લાહોર અને મુલતાનમાં સ્થિતિ સૌથી ગંભીર છે. અહીંનો AQI બે વખત 2,000થી ઉપર ગયો છે. નબળા AQIના સંદર્ભમાં લાહોર વિશ્વના સૌથી પ્રદૂષિત શહેરોમાં સ્થાન ધરાવે છે.
ત્રણ દિવસનું લોકડાઉન
અહેવાલમાં મંત્રી મરિયમ ઔરંગઝેબને ટાંકીને કહેવામાં આવ્યું છે કે મુલતાન અને લાહોરમાં અઠવાડિયામાં ત્રણ દિવસ શુક્રવાર, શનિવાર અને રવિવાર માટે સંપૂર્ણ લોકડાઉન રહેશે. આટલું જ નહીં, એક અઠવાડિયા માટે બાંધકામના કામ પર પણ પ્રતિબંધ છે.
શાળાઓ બંધ રહેશે, ફેક્ટરીઓ માટે પણ નિયમો બદલાયા છે
સાવચેતીના પગલા તરીકે, પંજાબ સરકારે લાહોર અને મુલતાનમાં આરોગ્ય કટોકટી લાદી છે અને શાળાઓ બંધ કરવાનો આદેશ આપ્યો છે. આ સિવાય મુલતાન અને લાહોરમાં રેસ્ટોરાં, દુકાનો, બજારો અને શોપિંગ મોલને રાત્રે 8 વાગ્યા પછી બંધ રાખવાની સૂચના આપવામાં આવી છે. રિપોર્ટ અનુસાર લાહોર અને મુલતાનમાં રેસ્ટોરાં હાલમાં માત્ર 4 વાગ્યા સુધી જ સેવા આપશે. જો કે, ટેકવે સેવા રાત્રે 8 વાગ્યા સુધી ચાલુ રહેશે.
