EDએ પોર્નોગ્રાફી કેસમાં રાજ કુન્દ્રા અને તેના નિકટના લોકોના ત્યાં દરોડા પાડ્યા

એન્ફોર્સમેન્ટ ડિરેક્ટોરેટ (ED)એ રાજ કુન્દ્રાના ઘર અને તેમના નજીકના લોકો પર દરોડા પાડ્યા છે. રાજ કુન્દ્રા બોલિવૂડ અભિનેત્રી શિલ્પા શેટ્ટીના પતિ છે. પોર્નોગ્રાફી કેસમાં EDએ આ કાર્યવાહી કરી છે. આ દરોડા તેમના ઘર, ઓફિસ અને અન્ય સ્થળોએ પાડ્યા છે. પોર્નોગ્રાફીનો આ મામલો ઘણા વર્ષો જૂનો છે.જાણકારી અનુસાર પોર્ન રેકેટ કેસમાં ED માત્ર રાજ કુન્દ્રાના જ નહીં પરંતુ અન્ય ઘણા લોકોના ઘરની પણ સર્ચ કરી રહી છે. આ કાર્યવાહી મોબાઈલ એપ્સ દ્વારા પોર્ન કન્ટેન્ટના સર્જન અને સર્ક્યુલેશન સાથે સંબંધિત છે આ તપાસ મુંબઈ પોલીસના 2021ના કેસ પર આધારિત છે.

-> પૈસાની લેવડ-દેવડની તપાસ કરવામાં આવી રહી છે :- મળતી માહિતી મુજબ, EDની ટીમે આ મામલામાં કુલ 15 જગ્યાઓ પર દરોડા પાડ્યા છે. વાસ્તવમાં, આ કેસમાં, દેશમાં જે પૈસા ભેગા થયા હતા તે આ વીડિયો દ્વારા વિદેશમાં ટ્રાન્સફર કરવામાં આવ્યા હતા. આ રીતે મોટી રકમ એક જગ્યાએથી બીજી જગ્યાએ ટ્રાન્સફર કરવામાં આવી હતી અને હવે ED દ્વારા તપાસ શરૂ કરવામાં આવી છે.

-> રાજ કુન્દ્રાની 2021માં ધરપકડ કરવામાં આવી હતી :- રાજ કુન્દ્રાની ક્રાઈમ બ્રાન્ચે જુલાઈ 2021માં ધરપકડ કરી હતી. આ કેસમાં સિટી કોર્ટે તેમને જામીન આપ્યા હતા. રાજ કુન્દ્રાએ પોતાના પર લાગેલા તમામ આરોપોને ખોટા ગણાવ્યા છે. આ કેસમાં તેમણે બે મહિના જેલમાં પણ વિતાવ્યા હતા.