શું શિંદેના મનમાં છે મુખ્યમંત્રી પદ ? કહ્યું લોકો મને મહારાષ્ટ્રના મુખ્યમંત્રી તરીકે જોવા માંગે

મહારાષ્ટ્રમાં વિધાનસભા ચૂંટણીમાં મહાયુતિએ જીત મેળવી હતી. પરંતુ આ પછી હવે મુખ્યમંત્રી પદને લઈને ગજગ્રાહ ચાલી રહ્યો છે. શિવસેનાના નેતા અને કાર્યવાહક સીએમ એકનાથ શિંદે પોતાનું પદ છોડવા માંગતા નથી.તેમણે કહ્યું કે રાજ્યની જનતા તેમને મુખ્યમંત્રી તરીકે જોવા માંગે છે. અગાઉ તેમણે કહ્યું હતું કે જો ગઠબંધન અજિત પવારની એનસીપી માટે ન હોત તો તે 90થી 100 બેઠકો પર ચૂંટણી લડત અને તેમની બેઠકો વધુ હોત.

-> ‘મને મુખ્યમંત્રી બનાવવો જોઈએ’ :- શિવસેનાના નેતા અને કાર્યકારી સીએમ એકનાથ શિંદેએ એક પ્રસિદ્ધ અખબાર સાથે વાત કરી. આ દરમિયાન તેમણે કહ્યું કે, “હું જનતાનો મુખ્યમંત્રી છું. હું હંમેશા કહેતો આવ્યો છું કે મુખ્યમંત્રી હોવા સાથે હું એક સામાન્ય માણસ પણ છું. હું લોકોની સમસ્યાઓ જાણું છું અને તેમની પીડા સમજું છું. તેમની સમસ્યાઓ ઉકેલવા માટે મેં પ્રયાસ કર્યો છે. લોકો માને છે કે મારે મુખ્યમંત્રી બનવું જોઈએ.

-> ‘ગઠબંધનમાં સમન્વય છે :- મહારાષ્ટ્ર વિધાન પરિષદના સભ્ય અને ભારતીય જનતા પાર્ટીના નેતા પ્રવીણ દરેકરે રવિવારે મોટું નિવેદન આપ્યું હતું. તેમણે કહ્યું, “મહાયુતિમાં કોઈ સંઘર્ષ નથી. સારો તાલમેલ અને સંકલન છે. હવે મહાયુતિ સરકારનો શપથ ગ્રહણ સમારોહ 5 ડિસેમ્બરે થશે. ત્રણેય પક્ષોના નેતાઓ શપથ લેશે.

-> આ વાત એકનાથ શિંદે પર કહેવામાં આવી :- એકનાથ શિંદે સાથે જોડાયેલા સવાલ પર તેમણે કહ્યું, “જ્યારે તેઓ થાકી જાય છે, ત્યારે આરામ કરવા માટે ગામમાં જાય છે. પરંતુ અત્યારે દરેક જણ તેને રાજકીય મુદ્દો બનાવી રહ્યા છે.” તેમણે કહ્યું, “ત્રણ પક્ષો ભાજપ, શિવસેના અને એનસીપી સાથે મળીને કામ કરશે. જો તેઓ સાથે કામ નહીં કરે તો લોકોમાં સારો સંદેશ નહીં જાય, આ ત્રણેય પક્ષોના નેતાઓની કલ્પના છે.