akshay 
દિલ્હીના રોહિણી જિલ્લાના પ્રશાંત વિહાર વિસ્તારમાં વિસ્ફોટના અવાજથી આ વિસ્તારના લોકોમાં ગભરાટ ફેલાયો હતો.. આ ઘટના બાદ દિલ્હી પોલીસે સ્થળ પર કડક સુરક્ષા ગોઠવી દીધી છે. તેમજ જિલ્લા પોલીસને એલર્ટ મોડમાં રહેવા જણાવાયું છે. આ દરમિયાન NSGની ટીમ પણ ઘટનાસ્થળે પહોંચી ગઈ છે. ફોરેન્સિક ટીમે ઘટના સ્થળનું નિરીક્ષણ કરીને સેમ્પલ લીધા છે.દિલ્હી વિસ્ફોટોની તપાસમાં NSG સામેલ થાય તે પહેલા રોહિણીના પ્રશાંત વિહાર વિસ્તારમાં આવેલી CRPF સ્કૂલની બહાર ભારે પોલીસ બંદોબસ્ત તૈનાત કરવામાં આવ્યો હતો.. ઘટનાસ્થળે પહોંચ્યા બાદ NSGએ સમગ્ર સ્થળને પોતાના નિયંત્રણમાં લઈ લીધું છે.
ફોરેન્સિક એટલે કે એફએસએલની ટીમે ઘટનાસ્થળે પહોંચીને સેમ્પલ લીધા છે.. ડોગ સ્કવોડની ટીમ પણ ઘટના સ્થળે પહોંચી છે અને પરિસ્થિતિનો તાગ મેળવ્યો છે.. આ સિવાય કેટલાક વાયર જેવી વસ્તુઓ પણ મળી આવી છે.દિલ્હી પ્રશાંત વિહારમાં CRPF સ્કૂલની બહાર થયેલા વિસ્ફોટના પ્રત્યક્ષદર્શી શશાંકે જણાવ્યું હતું કે, “વિસ્ફોટ સમયે અમને લાગ્યું કે સિલિન્ડર બ્લાસ્ટ થયો છે અથવા કોઈ બિલ્ડિંગ ધરાશાયી થઈ છે. ત્યાં એક મોટું ધૂમાડાનું વાદળ હતું. આ ધુમાડો જે લગભગ 10 મિનિટ સુધી ચાલ્યો હતો.”શશાંકે વધુમાં જણાવ્યું હતું કે વિસ્ફોટને કારણે દુકાનોના કાચ તૂટ્યા અને હોર્ડિંગ્સ ઉખડી ગયા..
દિલ્હી પોલીસ 5 મિનિટમાં અહીં પહોંચી ગઈ, કારણ કે ક્રાઈમ બ્રાન્ચ, પોલીસ સ્ટેશન અને ડિસ્ટ્રિક્ટ કોર્ટ નજીકમાં છે.તે સારું છે કે કોઈને નુકસાન થયું નથી.”રવિવારે સવારે લગભગ 7 વાગ્યે દિલ્હીના રોહિણી જિલ્લાના પ્રશાંત વિહાર વિસ્તારમાં CRPF સ્કૂલની બહાર વિસ્ફોટની ઘટના પ્રકાશમાં આવી હતી. દિલ્હી પોલીસ અને દિલ્હી ફાયર સર્વિસ વિભાગને આ અંગે માહિતી મળી હતી. પોલીસને ઘટનાસ્થળેથી કંઈ મળ્યું નથી. વિસ્ફોટના અવાજને કારણે આસપાસના વાહનોના કાચ તૂટી ગયા હતા. દરમિયાન ફોરેન્સિક ટીમે સ્થળ પરથી સેમ્પલ લીધા છે.
-> દિલ્હીમાં હાઈ એલર્ટ :- દિલ્હી પોલીસના સૂત્રોના જણાવ્યા અનુસાર વિસ્ફોટની ઘટનાની ગંભીરતાને જોતા રાષ્ટ્રીય રાજધાનીમાં હાઈ એલર્ટ જાહેર કરવામાં આવ્યું છે. પોલીસ દ્વારા કહેવામાં આવ્યું છે કે આ મામલામાં દિવાળી પહેલા કોઈ આતંકવાદી ષડયંત્રની શક્યતા નકારી શકાય તેમ નથી. દિલ્હીના બજારોમાં સુરક્ષા વધારી દેવામાં આવી છે.
