કોંગ્રેસે યૂપીની 2027ની વિધાનસભાચૂંટણીની તૈયારીઓ શરૂ કરી, નિષ્ક્રિય ચહેરાઓને બહારનો રસ્તો બતાવાશે

યુપી કોંગ્રેસની તમામ સમિતિઓનું વિસર્જન થયા બાદ હવે કોંગ્રેસ સંગઠનમાં મોટા ફેરફારોની તૈયારીઓ શરૂ થઈ ગઈ છે જેઓ લોકસભા ચૂંટણી દરમિયાન નિષ્ક્રિય રહ્યા હતા,તેમને બહારનો રસ્તો બતાવી દેવાશે, સાથે જ સક્રિય યુવા ચહેરાઓને નવી જવાબદારીઓ સોંપવામાં આવનાર છે. જે જૂના અધિકારીઓ સક્રિય છે તેમને પણ નવી જવાબદારીઓ સોંપવામાં આવશે.વિધાનસભા ચૂંટણી 2027ની તૈયારીઓ શરૂ તમને જણાવી દઈએ કે પાર્ટીઓએ વિધાનસભા ચૂંટણી 2027ની તૈયારીઓ શરૂ કરી દીધી છે.

યુપી કોંગ્રેસના અધ્યક્ષ અજય રાયનું માનીએ તો આગામી બેથી અઢી મહિનામાં નવી કમિટીની રચના કરવામાં આવશે. યુપી કોંગ્રેસ 2027ની વિધાનસભા ચૂંટણી માટે આ નવી સમિતિની રચના કરી રહી છે. આ સંગઠનની કાયાપલટમાં કોંગ્રેસ બૂથથી લઈને રાજ્ય સ્તર સુધી સંગઠનને મજબૂત કરશે. કોંગ્રેસના સૂત્રોનું માનીએ તો, આ સંગઠનાત્મક ફેરફાર લાંબા સમયથી પાર્ટીની અંદર ચાલી રહેલી ખેંચતાણનો અંત લાવવાનો પ્રયાસ હશે. આ વખતે પાર્ટી વિધાનસભાની ચૂંટણી પુરી તાકાત સાથે લડવા માંગે છે. તેથી પાર્ટીને વધુમાં વધુ લાભ મળી શકે તે માટે સંગઠન સ્તરે અનેક ફેરફારો કરવામાં આવશે.

-> નવી કારોબારીમાં સમસ્યાઓનું નિરાકરણ આવશે :- ઓગસ્ટ 2023માં, યુપી કોંગ્રેસે અજય રાયને અધ્યક્ષ બનાવ્યા અને થોડા સમય પછી, યુપી કોંગ્રેસે અવિનાશ પાંડેને પ્રભારી બનાવ્યા. આ બંને લોકોએ યુપીના અલગ-અલગ જિલ્લાઓની મુલાકાત લીધી છે અને તે જિલ્લાના નિષ્ક્રિય અને સક્રિય અધિકારીઓના રિપોર્ટ તૈયાર કર્યા છે. આ રિપોર્ટમાં અનેક જગ્યાએ જિલ્લા અને શહેર પ્રમુખોની બદલીનો મામલો પણ સામે આવ્યો હતો, તો રાજ્ય કારોબારીના કેટલાક અધિકારીઓની કાર્યશૈલીને લઈને પણ અસંતોષ જોવા મળી રહ્યો છે. આ તમામ સમસ્યાઓને જોતા આ નવી કારોબારીમાં આ સમસ્યાઓનું નિરાકરણ કરવામાં આવશે.