akshay 
કેનેડાના બ્રામ્પટન સ્થિત હિન્દુ સભા મંદિરમાં ખાલિસ્તાની ઉગ્રવાદીઓએ ભારે હોબાળો મચાવ્યો છે. ખાલિસ્તાની મંદિર પરિસરમાં ઘૂસી ગયા અને ત્યાંના લોકોને લાકડીઓ વડે માર પણ માર્યો. આ ઘટના બાદ ભારત અને કેનેડાના સંબંધોમાં વધુ તણાવ આવવાની શક્યતા છે. હવે આ ઘટના બાદ કેનેડાના PM જસ્ટિન ટ્રુડો પણ બેકફૂટ પર છે. જસ્ટિન ટ્રુડોએ આ સમગ્ર ઘટના પર સત્તાવાર નિવેદન જાહેર કર્યું છે.
બ્રામ્પટનમાં હિંદુ મંદિર પર થયેલા હુમલા અને ત્યાં લોકોને માર મારવા અંગે કેનેડાના PM જસ્ટિન ટ્રુડોએ કહ્યું છે કે, બ્રામ્પટનના હિંદુ સભા મંદિરમાં હિંસાની ઘટનાઓ અસ્વીકાર્ય છે. ટ્રુડોએ કહ્યું છે કે કેનેડામાં દરેક વ્યક્તિને મુક્તપણે અને સુરક્ષિત રીતે તેમના ધર્મનું પાલન કરવાનો અધિકાર છે. જસ્ટિન ટ્રુડોએ સમુદાયની સુરક્ષા કરવા અને આ ઘટનાની તપાસમાં ઝડપથી પ્રતિક્રિયા આપવા બદલ પીલ પ્રાદેશિક પોલીસનો વધુ આભાર માન્યો.
