સી.આર.પાટીલે નવસારીમાં ભાજપના નવા કાર્યાલય ‘શ્રી કમલમ’નો શિલાન્યાસ કર્યો

બુલેટિન ઈન્ડિયા નવસારી : નવસારીમાં આજે ભારતીય જનતા પાર્ટી (ભાજપ)ના નવા જિલ્લા કાર્યાલયનો શિલાન્યાસ કરવામાં આવ્યો હતો. આ કાર્યક્રમ દરમિયાન કેન્દ્રીય જળશક્તિ મંત્રી અને ગુજરાત ભાજપ પ્રમુખ સી.આર.પાટીલ પણ ઉપસ્થિત રહ્યા હતા. નવસારી હાઈવે નજીક 40,000 ચોરસ ફૂટ વિસ્તારમાં પાર્ટીનું નવું કાર્યાલય ‘શ્રી કમલમ’ બનાવવામાં આવશે. નવા કમલમમાં એઆઈ ટેકનોલોજી, ઈન્ટરનેટ, ઓડિટોરિયમ, કોન્ફરન્સ હોલ અને અધિકારીઓ અને કર્મચારીઓ માટે અલગ કેબિન હશે. 10 કરોડથી વધુના ખર્ચે ઓફિસનું નિર્માણ એક વર્ષમાં પૂર્ણ થવાની આશા છે.

પૂર્વ ધારાસભ્ય મંગુભાઈ પટેલના કાર્યકાળમાં નવસારીમાં જૂની પાર્ટી ઓફિસ બનાવવામાં આવી હતી. જો કે, પક્ષના વિસ્તરણ સાથે નવું કાર્યાલય જરૂરી બની ગયું હતું, એમ પાટીલે આ કાર્યક્રમમાં જણાવ્યું હતું.આ પ્રસંગે પ્રદેશ ઉપપ્રમુખ જનક બગદાણા, પ્રદેશ સચિવ શીતલબેન સોની, જિલ્લા પ્રમુખ ભુરાભાઇ શાહ સહિત જિલ્લાના પદાધિકારીઓ, આગેવાનો, અને વિધાનસભાના સભ્યો સહિત મોટી સંખ્યામાં સ્થાનિક રહીશો ઉપસ્થિત રહ્યા હતા.