રાજ્યસભામાં સાંસદ અભિષેક મનુ સિંઘવીની સીટ નીચેથી મળ્યું નોટોનું બંડલ, અધ્યક્ષે કીધુ તપાસ ચાલી રહી

રાજ્યસભામાં કોંગ્રેસના સાંસદ અભિષેક મનુ સિંઘવીની સીટ પરથી ચલણી નોટોના બંડલ મળવાનો મામલો સામે આવ્યો છે. વાસ્તવમાં, ગઈ કાલે રાજ્યસભામાં તપાસ દરમિયાન, સુરક્ષા અધિકારીઓને અભિષેક મનુ સિંઘવીની સીટ નીચેથી ચલણી નોટોના બંડલ મળ્યા છે. આ મુદ્દે આજે રાજ્યસભામાં ભારે હોબાળો થયો હતો. રાજ્યસભાના અધ્યક્ષ જગદીપ ધનખરે કહ્યું, “હું સભ્યોને જણાવવા માંગુ છું કે ગઈકાલે ગૃહ સ્થગિત થયા પછી ગૃહની નિયમિત તપાસ દરમિયાન, સુરક્ષા અધિકારીઓએ સીટ નંબર 222 પરથી ચલણી નોટોના બંડલ જપ્ત કર્યા, આ સીટ તેલંગાણાના સાંસદ અભિનેષ મનુ સિંઘવીને ફાળવવામાં આવેલી છે.મેં સુનિશ્ચિત કર્યુ છે કે તપાસ થાય અને આ તપાસ ચાલી રહી છે.

-> જ્યારે હું રાજ્યસભામાં જાઉં છું ત્યારે 500 રૂપિયા લઉં છુંઃ મનુ સિંઘવી :- આ મામલે કોંગ્રેસના સાંસદ અને એડવોકેટ અભિષેક મનુ સિંઘવીનું નિવેદન પણ આવ્યું છે. તેમણે કહ્યું કે તેમણે આજ સુધી તેના વિશે ક્યારેય સાંભળ્યું નથી. હું જ્યારે પણ રાજ્યસભામાં જાઉં છું ત્યારે મારી સાથે 500 રૂપિયાની નોટ લઈ જઉં છું. હું 12:57 વાગ્યે ગૃહમાં પહોંચ્યો અને ગૃહ 1 વાગ્યા સુધી ગૃહમાં હતો પછી હું 1:30 સુધી કેન્ટીનમાં બેઠો અને પછી સંસદમાંથી નીકળી ગયો.

-> નામ જાહેર ન કરવું જોઈએઃ ખડગે :- રાજ્યસભામાં વિપક્ષના નેતા મલ્લિકાર્જુન ખડગેએ કહ્યું, “હું વિનંતી કરું છું કે જ્યાં સુધી તપાસ પૂર્ણ ન થાય અને ઘટનાની સત્યતા સ્થાપિત ન થાય ત્યાં સુધી કોઈપણ સભ્યનું નામ જાહેર ન કરવું જોઈએ…” બાબતોના પ્રધાન કિરેન રિજિજુએ કહ્યું કે કોઈ સદસ્યનું નામ લેવામાં આવે તે અંગે વાંધો ન હોવો જોઇએ, તેમાં કંઇક ખોટુ નથી. રિજિજુએ કહ્યું, “આજે ડિજિટલ યુગ છે અને આટલી બધી નોટો કોઈ રાખતું નથી. આની તપાસ થવી જોઈએ.

-> ગૃહની ગરિમાને ઠેસ પહોંચીઃ જે.પી. નડ્ડા :- રાજ્યસભામાં કેન્દ્રીય મંત્રી જે.પી. નડ્ડાએ કહ્યું, “આ ઘટના ખૂબ જ અસાધારણ છે. તેનાથી ગૃહની ગરિમાને ઠેસ પહોંચી છે. સાહેબ, મને તમારા નિર્ણય પર વિશ્વાસ છે કે વિગતવાર તપાસ કરવામાં આવશે….”