akshay 
ઈઝરાયેલની સેનાએ ઈરાન તેમજ સીરિયામાં સૈન્ય મથકો પર હવાઈ હુમલા કર્યા છે. સીરિયન મીડિયા અનુસાર, ઇઝરાયેલે સીરિયાના મધ્ય અને દક્ષિણ ભાગોમાં હુમલા કર્યા. સીરિયન એરફોર્સે ઈઝરાયેલ તરફથી છોડવામાં આવેલી કેટલીક મિસાઈલોને હવામાં જ નષ્ટ કરી દીધી હતી, જ્યારે કેટલીક મિસાઈલોએ સૈન્ય લક્ષ્યોને નિશાન બનાવી હતી. આ મિસાઇલો ગોલાન હાઇટ્સ વિસ્તારમાંથી છોડવામાં આવી હતી. ઈઝરાયેલે શનિવારે પણ ઈરાન પર હવાઈ હુમલા કર્યા હતા. ઈરાનમાં સૈન્ય મથકોને પણ નિશાન બનાવવામાં આવ્યા છે. ઈરાને ઈઝરાયેલ હુમલાની પુષ્ટિ કરી છે અને બદલો લેવાની ધમકી પણ આપી છે.
સીરિયાથી ઈરાન સમર્થિત સંગઠનોને નિશાન બનાવવામાં આવ્યા છે
.સીરિયામાં ઈરાન સમર્થિત સંગઠનો છે, જેઓ લાંબા સમયથી ઈઝરાયેલ પર હુમલા કરી રહ્યા છે. જો કે 7 ઓક્ટોબરની ઘટના બાદ આ હુમલામાં વધારો થયો હતો. ઈઝરાયેલની સેનાએ છેલ્લા કેટલાક દિવસોમાં સીરિયામાં ઘણી વખત હવાઈ હુમલા કર્યા છે. ઇઝરાયેલી સેનાએ ગાઝામાં હમાસના નેતૃત્વને લગભગ ખતમ કરી નાખ્યું છે અને લેબનોનમાં હિઝબુલ્લાહ નેતૃત્વની સ્થિતિ પણ આવી જ છે. આ જ કારણ છે કે હવે ઈઝરાયેલની સેનાએ સીરિયા અને ઈરાન વિરુદ્ધ મોરચો ખોલ્યો છે.
સિવિલ ફ્લાઈટ્સ આગામી આદેશ સુધી રદ
ઈઝરાયેલના હવાઈ હુમલા બાદ ઈરાનમાં સિવિલ ફ્લાઈટ્સ આગામી આદેશ સુધી રદ કરવામાં આવી છે. ઈઝરાયેલે કહ્યું છે કે તાજેતરના મહિનાઓમાં ઈરાન દ્વારા ઈઝરાયેલ પર થયેલા હુમલાના જવાબમાં આ હુમલા કરવામાં આવ્યા છે. આ ઓપરેશનમાં ઈઝરાયેલની એરફોર્સ અને આર્મીના ફાઈટર પ્લેન, રિફ્યુઅલ પ્લેન અને જાસૂસી વિમાનોએ ભાગ લીધો હતો. તમામ વિમાનો સુરક્ષિત રીતે ઈઝરાયેલ પરત ફર્યા છે. ઈઝરાયેલે દાવો કર્યો છે કે આ હવાઈ હુમલામાં ઈરાનના હવાઈ મથકો, બેલેસ્ટિક મિસાઈલ ઉત્પાદન કેન્દ્રો વગેરેને નિશાન બનાવવામાં આવ્યા હતા.
ઈઝરાયલે ધમકી આપી
હવાઈ હુમલા બાદ ઈઝરાયેલે ઈરાન અને સીરિયાને ચેતવણી આપી છે કે જો તેઓ ઈઝરાયેલ સામે જવાબી કાર્યવાહી કરશે તો ઈઝરાયેલ ફરી હુમલો કરશે. ઈઝરાયેલની સેનાના પ્રવક્તાએ એક નિવેદન જારી કરીને કહ્યું કે, ‘અમારો સંદેશ સ્પષ્ટ છે કે જો કોઈ ઈઝરાયેલને ધમકાવવાનો પ્રયાસ કરશે તો તેણે તેની ભારે કિંમત ચૂકવવી પડશે. અમે આજે તેનું ઉદાહરણ બતાવ્યું છે. અમે ઇઝરાયેલ અને તેના લોકોના રક્ષણ માટે રક્ષણાત્મક અને આક્રમક બંને રીતે તૈયાર છીએ.
ઈરાને કહ્યું- બહુ ઓછું નુકસાન થયું છે
ઈરાને કહ્યું છે કે ઈઝરાયેલના હવાઈ હુમલામાં ઈલામ, ખુઝેસ્તાન અને તેહરાન પ્રાંતમાં સ્થિત સૈન્ય મથકોને નિશાન બનાવવામાં આવ્યા હતા. જોકે, ઈરાને કહ્યું કે આ હુમલામાં બહુ ઓછું નુકસાન થયું છે અને કોઈ મોટા નુકસાનના સમાચાર નથી.
આ પણ વાંચો : ઇઝરાયેલની ઇરાન પર મોટા હુમલાની તૈયારી, અમેરિકન ઇન્ટેલિજન્સ એજન્સીનો લિક થયો રિપોર્ટ
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
