ઉત્તરપ્રદેશને દેશનું પહેલું ગરીબી મુક્ત રાજ્ય બનાવાશેઃ યોગી આદિત્યનાથ

હવે ઉત્તર પ્રદેશમાં એક પણ ગરીબ વ્યક્તિ નહીં રહે. યુપી દેશનું પહેલું રાજ્ય બનશે જે ગરીબીથી મુક્ત હશે. સીએમ યોગી આદિત્યનાથે આ જાહેરાત કરી છે. રાષ્ટ્રપિતા મહાત્મા ગાંધીની જન્મજયંતિના અવસર પર સીએમ યોગીએ યુપીને ગરીબી મુક્ત બનાવવાનો સંકલ્પ કર્યો છે. તેમણે કહ્યું કે આ માટે દરેક પંચાયતના સૌથી ગરીબ પરિવારોની ઓળખ કરવામાં આવશે. આ પછી તેમને મુખ્ય ધારા સાથે જોડવાના પ્રયાસો કરવામાં આવશે.સીએમ યોગીએ કહ્યું કે યુપી દેશનું પહેલું રાજ્ય બનશે જયાં શૂન્ય ગરીબી હશે. આ માટે સરકાર દ્વારા સંપૂર્ણ રોડ મેપ તૈયાર કરવામાં આવ્યો છે. સીએમ યોગીએ આ મેગા અભિયાનના રોડ મેપ વિશે પણ માહિતી આપી હતી અને જણાવ્યું હતું કે સરકાર કેવી રીતે રાજ્યમાંથી ગરીબી દૂર કરવા માટે કામ કરી રહી છે.-

-> યુપી દેશનું પ્રથમ ગરીબી મુક્ત રાજ્ય બનશે :- સીએમ યોગીએ કહ્યું કે યુપીને ગરીબી મુક્ત બનાવવા માટે દરેક ગ્રામ પંચાયતનો સંપર્ક કરવામાં આવશે અને 10-15 અત્યંત ગરીબ પરિવારોની ઓળખ કરવામાં આવશે. જે બાદ સરકાર તેમને મુખ્ય પ્રવાહ સાથે જોડવાનું કામ કરશે. આ અંતર્ગત ગરીબોને ભોજન, કપડા અને આવાસની સુવિધા આપવામાં આવશે. આ પરિવારોના બાળકોને સારું શિક્ષણ અને તબીબી સુવિધાઓ આપવામાં આવશે અને તેમની આવક સુનિશ્ચિત કરવાની વ્યવસ્થા પણ કરવામાં આવશે.આ માટે એવા લોકોને પસંદ કરવામાં આવશે જેઓ આર્થિક રીતે ખૂબ જ નબળા અને ભૂમિહીન પરિવારો છે. જેમને રહેવા માટે કાચુ ઘર હશે. જે પરિવારો પાસે કૃષિ આજીવિકા સિવાય બીજો કોઈ વિકલ્પ નથી. અથવા જેઓ દૈનિક વેતન મજૂર તરીકે કામ કરે છે અને તેમની પાસે આવકનો કોઈ સ્ત્રોત નથી.આવા પરિવારોને પસંદ કરવા માટે ત્રણ-સ્તરની પારદર્શક પસંદગી પ્રક્રિયાનો ઉપયોગ કરવામાં આવશે. પસંદગીમાં સામેલ અધિકારીઓ અને ગ્રામ પંચાયતોના અધિકારીઓની જવાબદારી દરેક તબક્કે અને દરેક સ્તરે નક્કી કરવામાં આવશે. આ ધોરણોના આધારે આવા ગરીબ પરિવારોની ઓળખ કરવા માટે તમામ જિલ્લા મેજિસ્ટ્રેટને આદેશ આપવામાં આવ્યા છે.