ગુરુગ્રામ નાઇટક્લબમાં નશામાં ધૂત શખ્સે ક્રૂડ બોમ્બ ફેંક્તા ધરપકડ

-> આ ઘટના સીસીટીવીમાં કેદ થઈ ગઈ છે અને તે વ્યક્તિની ધરપકડ કરવામાં આવી છે, એમ પોલીસે જણાવ્યું હતું :

ગુરુગ્રામના સેક્ટર-29માં એક નાઈટક્લબની બહાર સવારે 5:15 વાગ્યે એક નશામાં ધૂત વ્યક્તિ રોકાયો અને સ્થળ પર ક્રૂડ બોમ્બ ફેંક્યો. તેની થોડી સેકન્ડો પછી બીજો વિસ્ફોટ થયો. આ ઘટના સીસીટીવીમાં કેદ થઈ ગઈ છે અને તે વ્યક્તિની ધરપકડ કરવામાં આવી છે, એમ પોલીસે જણાવ્યું હતું.સચિન તરીકે ઓળખાયેલ આરોપી ઉત્તર પ્રદેશના મેરઠનો રહેવાસી છે અને પોલીસે તેના કબજામાંથી બે દેશી બનાવટના બોમ્બ અને હથિયારો જપ્ત કર્યા છે.

ગુરુગ્રામમાં હ્યુમન નાઈટ ક્લબની બહાર બહુ ઓછા લોકો હાજર હતા, પરંતુ કોઈ જાનહાનિ થઈ ન હતી. નેશનલ ઇન્વેસ્ટિગેશન એજન્સી (NIA) અને પોલીસ બાદમાં ઘટનાસ્થળે પહોંચી હતી અને બે લોકોની ધરપકડ કરવામાં આવી હતી. પોલીસને આ ઘટનામાં ગેંગસ્ટરોની સંડોવણી હોવાની શંકા છે.

ગુરુગ્રામ પોલીસના કમિશ્નર વિકાસ અરોરાએ જણાવ્યું કે, ગુરુગ્રામ પોલીસની બોમ્બ ડિસ્પોઝલ ટીમે ક્રૂડ બોમ્બ રિકવર કર્યા અને તેને ડિફ્યૂઝ કર્યા.ગુરુગ્રામ પોલીસના પ્રવક્તા સંદીપ કુમારે જણાવ્યું હતું કે, હરિયાણા પોલીસની ક્રાઈમ બ્રાન્ચ અને સ્પેશિયલ ટાસ્ક ફોર્સ (STF) ટીમ આરોપીની પૂછપરછ કરી રહી હતી.