હમાસના વધુ એક કમાન્ડરને ઇઝરાયેલે મોતને ઘાટ ઉતાર્યો, એક સાથે અનેક મોરચે લડતું ઇઝરાયેલ

મિડલ ઈસ્ટમાં સતત યુદ્ધની વચ્ચે સ્થિતિ દિવસેને દિવસે વધું ખરાબ થઈ રહી છે. દરમિયાન, IDFએ દાવો કર્યો છે કે તેઓએ હમાસના ઉત્તરી ગાઝા યુએવી કમાન્ડર મહમૂદ અલ-મભોહને મોતને ઘાટ ઉતારી દીધો છે. મહમૂદ અલ મભોહે ઇઝરાયલી સુરક્ષા દળો અને લોકો પર ડ્રોન હુમલાનો નિર્દેશ આપ્યો હતો. IDF અનુસાર, તેઓએ જબલિયાહ અને રફાહમાં ડ્રોન હુમલા કર્યા, જેમાં 50 થી વધુ હમાસ આતંકવાદીઓ માર્યા ગયા.

-> શરણાર્થી શિબિરો પર બોમ્બ ધડાકા :- પેલેસ્ટિનિયન આરોગ્ય અધિકારીઓએ જણાવ્યું હતું કે ગાઝાના આઠ ઐતિહાસિક શરણાર્થી શિબિરોમાંથી સૌથી મોટા જબાલિયામાં અલ-ફલ્લુજાહ નજીક ઇઝરાયેલી ગોળીબારમાં ઓછામાં ઓછા 17 લોકો માર્યા ગયા હતા, આ સિવાય દક્ષિણ ગાઝામાં પૂર્વ ખાન યુનિસમાં બાની સુહૈલા કેમ્પમાં અન્ય 10 લોકો માર્યા ગયા હતા,

-> ઈઝરાયેલ હવે જબલિયાને નિશાન બનાવી રહ્યું છે :- આ પહેલા મંગળવારે ઈઝરાયેલના હવાઈ હુમલામાં ગાઝા શહેરના સબરામાં ત્રણ મકાનો ધ્વસ્ત થઈ ગયા હતા. અહેવાલ મુજબ, સ્થાનિક સિવિલ ઇમરજન્સી સર્વિસે જણાવ્યું હતું કે તેઓએ ઘટનાસ્થળેથી બે મૃતદેહો મેળવ્યા છે, જ્યારે અન્ય 12 લોકોની શોધ ચાલુ છે, જેઓ તે સમયે ઘરોમાં હાજર હતા તેવું માનવામાં આવે છે.

-> ઇઝરાયેલની સેના છેલ્લા 10 દિવસથી જબાલિયાને નિશાન બનાવી રહી છે અને ઉત્તરીય વિસ્તારમાં ફરી રહી છે :- મિડલ ઈસ્ટમાં ઈઝરાયેલ હાલમાં ઘણા મોરચે લડી રહ્યું છે. ઈઝરાયેલે પૂર્વી લેબનોનમાં હવાઈ હુમલાઓ તેજ કર્યા છે. મંગળવારે બાલબેક શહેરની નજીકના રહેણાંક વિસ્તારોને નિશાન બનાવીને બેકા ખીણમાં અનેક હવાઈ હુમલાઓ થયા. ઇઝરાયેલી સૈન્યએ એક નિવેદનમાં જણાવ્યું હતું કે ઉપલા ગેલિલમાં સાયરન વગાડ્યા પછી લેબનોનથી ઇઝરાયેલમાં પ્રવેશેલા બે ડ્રોનની ઓળખ કરવામાં આવી હતી, જોકે જાનહાનિના કોઈ અહેવાલ નથી