‘સુરક્ષા પરિષદમાં ફેરફારના પ્રયાસો કરવાના નામે માત્ર આશ્વાસન અપાઇ રહ્યું છે’ ભારતે સ્પષ્ટ સંભળાવી દીધું

ભારતે સ્પષ્ટ શબ્દોમાં કહ્યું છે કે સંયુક્ત રાષ્ટ્ર સુરક્ષા પરિષદમાં ફેરફારના પ્રયાસો કરવાના નામે માત્ર આશ્વાસન આપવામાં આવી રહ્યું છે. અને તેને કારણે સુરક્ષા પરિષદનું વિસ્તરણ અને તેમાં એશિયા, આફ્રિકા અને લેટિન અમેરિકાનું પ્રતિનિધિત્વ અનિશ્ચિત સમય માટે સ્થગિત થઇ રહ્યું છે. ભારતીય રાજદૂત પી હરીશે કાઉન્સિલના સભ્યોની સંખ્યા વધારવા અને સંયુક્ત રાષ્ટ્ર સુરક્ષા પરિષદમાં સમાન પ્રતિનિધિત્વના મુદ્દે આયોજિત બેઠકમાં આ વાત કહી.

-> 1965 થી કોઈ ફેરફાર થયો નથી :- ભારતીય રાજદૂતે કહ્યું કે યુએનએસસીમાં ઘણા દાયકાઓથી સુધારાની માંગ કરવામાં આવી રહી છે, તેમ છતાં તે નિરાશાજનક છે કે 1965 પછી તેમાં કોઈ ફેરફાર થયો નથી. ઉલ્લેખનીય છે કે 1965માં સંયુક્ત રાષ્ટ્ર સુરક્ષા પરિષદની અસ્થાયી શ્રેણીમાં સમાવિષ્ટ સભ્યોની સંખ્યાનો વિસ્તાર કરવામાં આવ્યો હતો. તે સમયે અસ્થાયી ચૂંટાયેલા સભ્ય દેશોની સંખ્યા છથી વધારીને 10 કરવામાં આવી હતી. આંતર-સરકારી સંવાદની પ્રક્રિયા પર, પી હરીશે કહ્યું કે તેની રચનાના 16 વર્ષ પછી પણ તે ફક્ત નિવેદનોની આપ-લે પુરતી જ સીમિત છે. આમાં કોઈ સમયમર્યાદા નક્કી કરવામાં આવી નથી અને ન તો કોઈ લક્ષ્ય નક્કી કરવામાં આવ્યું છે.

-> સુધારાને અનિશ્ચિત સમય માટે હોલ્ડ પર રાખવામાં આવી રહ્યો છે :- ભારતીય રાજદૂતે ભારપૂર્વક જણાવ્યું હતું કે તેઓ આંતર-સરકારી વાટાઘાટોમાં વાસ્તવિક નક્કર પ્રગતિ ઇચ્છે છે અને આ માટે બે બાબતોમાં સાવધાની જરૂરી છે. પ્રથમ, સભ્ય દેશોને તેમના મોડેલ સબમિટ કરવા માટે અનિશ્ચિત સમયમર્યાદા આપવી જોઈએ નહીં. ન્યૂનતમ સીમાની શોધથી તેમને તેમના મોડેલને રજૂ કરવા માટે અનિશ્ચિત સમય સુધી રાહ ન જોવી જોઈએ. ઉપરાંત, સર્વસંમતિ બનાવવા માટે વધુ સમય લેવો જોઈએ નહીં કારણ કે આ સુરક્ષા પરિષદમાં સુધારાની પ્રક્રિયામાં અનિશ્ચિત સમય માટે વિલંબ કરી શકે છે.ભારતીય રાજદૂતે કહ્યું કે ગ્લોબલ સાઉથનો સભ્ય હોવાને કારણે ભારત માને છે કે સંયુક્ત રાષ્ટ્ર સુરક્ષા પરિષદમાં ફેરફાર દ્વારા જ સંયુક્ત રાષ્ટ્રની વિશ્વસનીયતા અને કાયદેસરતા જાળવી શકાય છે.