akshay 
બોલિવૂડ સ્ટાર સલમાન ખાનની મુસીબતોનો અંત આવતો જણાતો નથી. હવે બિશ્નોઈ સમુદાયે મહારાષ્ટ્ર પોલીસને સલમાન ખાનને રિવોલ્વરનું લાઇસન્સ ન આપવા વિનંતી કરી છે. પર્યાવરણ પ્રેમી બિશ્નોઈ સમાજે સંતોની હાજરીમાં પર્યાવરણ અને કાળા હરણના શિકારના મુદ્દા અને સમાજમાં વધી રહેલા લોક રોષને લઈને રેલી કાઢી હતી.રેલીમાં, મુંબઈપોલીસ કમિશનરના નામનું આવેદનપત્ર જોધપુર જિલ્લા કલેક્ટરને સોંપવામાં આવ્યું હતું, જેમાં સલમાનનને પિસ્તોલનું લાઇસન્સ ન આપવાની માંગ કરાઇ હતી. આટલું જ નહીં બિશ્નોઈ ટાઈગર ફોર્સે સલમાન ખાન પર આર્મ્સ લાયસન્સ મેળવવા માટે કાવતરું ઘડવાનો આરોપ લગાવ્યો છે.
-> સલમાન ખાનનું લાઇસન્સ રદ કરવાની વાત :- બિશ્નોઈ ટાઈગર ફોર્સના રામપાલ ભવાદે જણાવ્યું કે 1998માં જોધપુરમાં સલમાન ખાનના લાયસન્સવાળા હથિયારથી કાળા હરણનો શિકાર કરવામાં આવ્યો હતો. તે સમયે તેનું લાઇસન્સ રદ કરવામાં આવ્યું હતું. હવે ફરી એકવાર સલમાન ખાને મુંબઈ પોલીસ પાસે લાઇસન્સ માંગ્યું છે અને કહ્યું છે કે તે પોતાના માટે ખતરો છે. જેને લઈને બિશ્નોઈ સમાજે વિરોધ પ્રદર્શન કરી જોધપુર જિલ્લા કલેક્ટરને મેમોરેન્ડમ આપીને માંગણી કરી છે કે બિશ્નોઈ સમાજની લાગણીને ધ્યાનમાં લઈને સલમાન ખાનને લાયસન્સ ન આપવું જોઈએ.
-> બિશ્નોઈ સમુદાય શા માટે કરી રહ્યો છે આ માંગ? :- રામપાલ ભાવડે કહ્યું, “જોધપુરમાં બિશ્નોઈ સમુદાય સલમાન ખાનને લાયસન્સ ન આપવાની માંગ કરી રહ્યો છે, કારણ કે સલમાન ખાન કોર્ટ અને સંવિધાન માટે દોષિત છે. આવા અપરાધીઓને હથિયારનું લાઇસન્સ આપવું કાયદાની વિરુદ્ધ છે. તેથી લાઇસન્સ ન આપવું જોઈએ.
-> રાજસ્થાન સરકાર સમક્ષ પણ માંગણી મૂકી :- બિશ્નોઈ સમુદાયે રાજસ્થાન સરકાર પાસે માંગ કરી છે કે હાઈકોર્ટ અને સુપ્રીમ કોર્ટમાં સ્પેશિયલ પીપીની નિમણૂક કરવામાં આવે અને સલમાન ખાન વિરુદ્ધ જલ્દી સુનાવણી હાથ ધરવામાં આવે. રામપાલ ભવાદે કહ્યું કે બિશ્નોઈ ટાઈગર ફોર્સ સીધો મુંબઈ પોલીસ પ્રશાસનને પત્ર મોકલીને સલમાન ખાનને લાયસન્સ ન આપવાની માંગણી કરશે.
-> સલમાન ખાને માફી માંગવી જોઈએ :- ઉલ્લેખનીય છે કે 26 વર્ષ પહેલા 1998માં સલમાન ખાન અને અન્ય ફિલ્મ સ્ટાર્સ પર કાળિયારનો શિકાર કરવાનો આરોપ લાગ્યો હતો. જેને લઈને બિશ્નોઈ સમાજમાં ભારે રોષ જોવા મળી રહ્યો છે. આ ગુસ્સાને કારણે ગેંગસ્ટર લોરેન્સ બિશ્નોઈએ સલમાન ખાનને મારી નાખવાની ધમકી આપી હતી. સલમાન ખાનને સતત મળી રહેલી ધમકીઓને કારણે તેની સુરક્ષા વધારી દેવામાં આવી છે. લોરેન્સ બિશ્નોઈ ગેંગ તરફથી કહેવામાં આવ્યું હતું કે જો સલમાન ખાન બિશ્નોઈ સમાજની જગ્યાએ જઈને માફી માંગે તો સમાજ તેને માફ કરી શકે છે.
